Asqar Shákirov reseılik áriptesi Andreı ıAtskınmen kezdesti
QR Parlamenti Senaty tóraǵasynyń orynbasary Asqar Shákirov Reseı Federatsııasy Federaldyq Jınalysy Federatsııa Keńesinde Federatsııa keńesi tóraǵasynyń birinshi orynbasary Andreı ıAtskınmen kezdesti.
Onda taraptar Reseı Parlamenti joǵarǵy palatasynyń spıkeri Valentına Matvıenkonyń bıylǵy maýsymda Qazaqstan Respýblıkasyna resmı sapary kezinde qol jetken ýaǵdalastyqtardy iske asyrý barysyn talqylady.
Ótken kelissózderdiń qorytyndysy boıynsha QR Parlamenti Senaty men RF Federatsııa Keńesi arasyndaǵy Yntymaqtastyq jónindegi komıssııasynyń buryn bolǵan otyrystarynyń hattamasyna qol qoıyldy.
Memlekettik Dýma saılaýyna TMD PAA halyqaralyq baıqaýshylarynyń úılestirýshisi retinde Máskeýde júrgen Senat tóraǵasynyń orynbasary saılaý aldy is-sharalar aıasynda Memlekettik Dýmanyń vıtse-spıkeri Petr Tolstoımen jáne Reseı Parlamentiniń tómengi palatasyndaǵy «Edınaıa Rossııa», «KPRF», «LDPR», «Spravedlıvaıa Rossııa - Patrıoty - Za pravdý» saıası partııalarynyń jetekshilerimen birqatar kezdesýler ótkizdi.
