Asqar Omarov qyzmetinen bosatyldy
ASTANA. KAZINFORM — Memleket basshysynyń ókimimen Asqar Omarov Ortalyq kommýnıkatsııalar qyzmetiniń dırektory laýazymynan bosatyldy. Bul týraly Aqorda habarlady.
– Memleket basshysynyń ókimimen Asqar Qýanyshuly Omarov Qazaqstan Respýblıkasynyń Prezıdenti janyndaǵy Ortalyq kommýnıkatsııalar qyzmetiniń dırektory laýazymynan bosatyldy, - delingen habarlamada.
Asqar Ýmarov 1976 jyly Almatyda týǵan. Turan ýnıversıtetin bitirgen.
1997-1998 jyldary — «Mádenıet máseleleri jónindegi respýblıkalyq ǵylymı ortalyqtyń» áleýmettik-ekonomıkalyq máseleler sektorynyń jetekshi mamany.
1998-1999 jyldary — «Qazaqstannyń shaǵyn bıznesi» jýrnalynda marketıng jónindegi maman.
2001-2005 jyldary — «Novostı nedelı» RG» JShS tilshisi.
2005-2006 jyldary — «Qazaqstan» RTRK» AQ – «Astana» TRO fılıaly Aqparattyq-taldaý baǵdarlamalary dırektsııasynyń Almaty bıýrosynyń shef-redaktory.
Ár jyldary jeke uıymdarda basshylyq qyzmetter atqarǵan.
2008-2010 jyldary — «Nur-Medıa» JShS dırektory, bas dırektorynyń orynbasary.
2011-2013 jyldary — «Túrki akademııasy» KEAQ vıtse-prezıdenti.
2014 jyly — «Astana EKSPO-2017» UK» AQ basqarýshy dırektory.
2016-2017 jyldary — qoǵamdyq qordyń prezıdenti.
2017-2020 jyldary — «QazAqparat» HAA JShS bas dırektory, «QazAqparat» HAA AQ basqarma tóraǵasy.
2021 jyldyń 19 tamyzynan bastap Aqparat jáne qoǵamdyq damý vıtse-mınıstri boldy.
2022 jyldyń 5 qańtarynda Memleket basshysynyń Jarlyǵymen Úkimet tolyq quramda otstavkaǵa ketti.
2022 jyldyń 11 qańtarynda Prezıdent Jarlyǵymen Aqparat jáne qoǵamdyq damý mınıstri bolyp taǵaıyndaldy.
2022 jyly 2 qyrkúıekte Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesiniń dırektory bolyp taǵaıyndaldy.
