Asqar Myrzaxmetov ınvestorlarǵa selqos qaraıtyn ákimderden jaýap aldy

TARAZ. QazAqparat - Búgin Jambyl oblysynyń ákimi Asqar Myrzaxmetovtyń tóraǵalyǵymen ınvestorlardy tartý jáne ınvestıtsııalyq axýaldy jaqsartý boıynsha óńirlik keńes otyrysy ótti, dep habarlaıdy QazAqparat.

Aımaq basshysynyń baspasóz qyzmetinen málim etkendeı, kún tártibindegi másele boıynsha oblystyq ınvestorlarǵa Qyzmet kórsetý, jobalyq basqarý  jáne tsıfrlandyrý  ortalyǵynyń  basshysy Damır Egizbaev baıandama jasady. Ol atqarylyp jatqan jumystar men kezdesip otyrǵan keleńsizdikterge jan-jaqty toqtalyp ótti.

Atap aıtar bolsaq, bos jerlerdiń ınteraktıvti kartasyn ázirleýde jáne 13 ınvestıtsııalyq jobany iske asyrýdaǵy túıitkilder talqylandy. Qarjy quıyp, jumys jasaýǵa nıetti keıbir ınvestorlarǵa qajetti jerlerdi bólýde enjarlyq tanytyp otyrǵan aýdandar da joq emes bolyp shyqty.

Asqar Myrzahmetov máseleniń mańyzdylyǵyn basa aıtyp, oblystyń ınvestıtsııalyq axýalyn arttyrýda tıisti taraptardyń birlese, josparly jumys júrgizýiniń tıimdiligin tilge tıek etti. Qurǵaq sózden góri ýaqyt ozdyrmaı naqty nátıjege qol jetkizý kerektigin eskertti.

Jıynda týyndaǵan saýaldar boıynsha birqatar aýdan ákimderinen jaýaptar alyndy. Jaýapty tulǵalarǵa naqty tapsyrmalar berilip, mindetter júkteldi.