Asqar Myrzahmetovtiń Beıjińdegi sapary barysynda birneshe memorandýmǵa qol qoıyldy
Bul týraly QR Aýyl sharýashylyǵy mınıstrliginiń resmı ókili Erjan Baıtanaev habarlady.
Jumys sapary barysynda A. Myrzahmetov QHR Aýyl sharýashylyǵy mınıstri Han Chanfý, QHR sapany qadaǵalaý, ınspektsııalaý jáne karantıni jónindegi bas basqarmasynyń tóraǵasy Tsı Shýpın jáne de qytaıdyń iri kompanııalarymen ekijaqty kezdesý ótkizdi.
Kezdesý aıasynda qazaq-qytaı arasyndaǵy ınvestıtsııalyq jobalar, aýyl sharýashylyǵy, organıkalyq jáne veterınarııa salasyn damytý barysy talqylandy.
Qytaı Halyq Respýblıkasy Qazaqstan ekonomıkasynyń sondaı-aq, agroónerkásip sektorynyń ósýi men damýynda Qazaqstannyń mańyzdy strategııalyq áriptesteriniń biri bolyp tabylady.
Sapar barysynda Qazaqstan Respýblıkasynyń Aýyl sharýashylyǵy mınıstrligi men QHR Sapany baqylaý, ınspektsııalaý jáne karantın basqarmasynyń basshysy Qazaqstan Respýblıkasynan soıýǵa jiberilgen jylqy janýarlaryna arnalǵan karantındik jáne densaýlyq saqtaý týraly hattamaǵa qol qoıdy.
Sonymen qatar, qazaqstandyq jáne qytaılyq kompanııalar arasynda saýda salasynda jáne agroónerkásiptik keshenge ınvestıtsııalar tartý boıynsha yntymaqtastyq týraly birqatar kelisimderge qol qoıyldy. Atap aıtar bolsaq: «QazAgro» UBH» AQ men State Development and Investment Corporation arasynda Ońtústik Qazaqstan oblysynda agroónerkásip keshen qurý týraly 100 mln AQSh dollary somasyndaǵy memorandýmǵa; «KazAgro» UBH»AQ jáne «Grand China Business Management Co.»kompanııasy arasynda 100 mln AQSh dollaryna baǵalanǵan joǵary surypty bıdaı ónimderin shyǵaratyn ferma qurý týraly memorandýmǵa; «Azyq-túlik korporatsııasy» AQ men Dalian Commodity Exchange arasynda kóterme saýda ortalyqtarynyń jelisin qurý jáne taýar bırjasyn uıymdastyrý týraly memorandýmǵa; «Azyq-túlik kelisim shart korporatsııasy» AQ men «Grand China Business Management»LTD arasynda 20 myń tonna birinshi klasty bıdaıdyń eksportyna qatysty kelisimge; (4,5 mln AQSh dollary); «Azyq-túlik kelisim shart korporatsııasy» AQ men «Grand China Business Management» LTD arasynda 2 myń tonna ósimdik maıyn eksporttaý týraly kelisimge; (1,5 mln AQSh dollary); 2018-2024 jyldarǵa arnalǵan ınvestıtsııalyq baǵdarlamany iske asyrý týraly «Qazaqstannyń et qaýymdastyǵy» QQ jáne CITIC Construction arasynda sıyrlar men sıyr eti óndirisi jáne eksporty úshin ınfraqurylym qurý týraly kelisimge qol qoıyldy (600 mln AQSh dollary).