Asqar Myrzahmetovke aýyl sharýashylyǵynda eńbek ónimdiligin arttyrý tapsyryldy

ASTANA. QazAqparat - QR Úkimet basshysy Kárim Másimov QR Premer-Mınıstriniń orynbasary - QR Aýyl sharýashylyǵy mınıstri Asqar Myrzahmetovke aýyldyq jerlerde eńbek ónimdiligin arttyrýmen aınalysýǵa tapsyrma berdi. Bul jaıynda ol búgin «Atameken» Ulttyq kásipkerler palatasynyń úshinshi sezinde aıtty.

«Aýyl sharýashylyǵy elimiz úshin tabys ákeletin baǵyt bolyp tabylady. Azyq-túlik ónimderi árdaıym suranysqa ıe ekeni belgili. Biz sizdermen birge eki jyl buryn azyq-túlik qaýipsizdigi baǵdarlamasyn talqylaǵan bolatynbyz, qarjy bólindi. Mınıstrlik osy jumystarmen bankter aınalysqanyn aıtýda, al bankter klıentterdi qaıta nesıelendirgenin alǵa tartýda. Atap aıtqanda, kóptegen sebeptermen ilgerileýshilik bolǵan joq», - dep toqtaldy Úkimet basshysy.

Osy rette K. Másimov orynbasary Asqar Myrzahmetov Ulttyq kásipkerler palatasy múshelerimen birlese aýyl sharýashylyǵynda halyqtyń eńbek ónimdiligin arttyrý men otandyq taýarlarǵa suranysty joǵarylatý turǵysynda usynystar ázirleýi tıis ekenin atap ótti.