Asqar Myrzahmetov jambyldyq jastarmen kezdesti
Taraz memlekettik pedogogıkalyq ýnıversıtetinde ótken kezdesý «Básekege qabiletti jastar – elimizdiń irgetasy» taqyrybyna negizdeldi. Erkin formatta órbigen sharaǵa atalmysh oqý ordasynyń stýdentteri qatysty.
Aımaq basshysyna kókeıdegi qyzyqty saýaldaryn joldaǵan jastar tolymdy jaýaptar ala bildi. Stýdentter negizinen óńirdiń órkendeýi, bilim salasyndaǵy ózgerister, Jastar jylyna qatysty atqarylar sharalardyń barysy, volonter jastar, el bolashaǵy týraly oılaryn ortaǵa saldy.
Asqar Myrzahmetov óz sózinde jastar tárbıesi, qoǵamdaǵy ózekti jaıttarǵa qatysty taǵylymdy dúnıelerge aıryqsha toqtalyp, ár saýaldyń jaýabymen oraılastyryp oblystaǵy oń bastamalar men ıgi isterdi de tilge tıek etip otyrdy. Jalyndy jastardy tarıhty tanyp, ótkendi qurmetteýge, ata-baba dástúrin ulyqtap, solardan daryǵan tektilik qasıetterdi jańǵyrtýǵa, elimizdiń erteńgi ustynyna aınalý úshin bilim darııasyna barynsha boılaýǵa shaqyrdy. Sondaı-aq, qaıyrymdylyq sharalary men tabıǵat tazalyǵyna atsalysýdyń mańyzdylyǵyn atap ótti.
Belsendi jastar oblys ákiminiń ónegeli ótken ómiri týraly, bos ýaqytyn nege arnaıtyndyǵyn, qandaı kitaptardy súıip oqıtynyn surap, jumys barysyndaǵy ustanymy haqynda áńgimelep berýin ótindi. Asqar Myrzahmetov barlyq suraqtarǵa naqty ári ashyq jaýap berip, stýdentterge bilim jolynda da, ómir jolynda da sáttilik tiledi. Júzdesý sońynda ákimmen estelik sýretke túsken jastar ádemi áserge bólenip tarqasty.
