Asqar Myrzahmetov Jambylda júzege asatyn 108 joba týraly aıtty
NUR-SULTAN. QazAqparat – Jambyl oblysynda jyl basynan beri 430 myń sharshy metr turǵyn úı paıdalanýǵa berildi. Bul týraly Jambyl oblysynyń ákimi Asqar Myrzahmetov aıtty, dep habarlaıdy QazAqparat tilshisi.
«Nurly jer» baǵdarlamasy aıasynda 30 kóppáterli turǵyn úı qurylysy júrgizilýde. Baspanaǵa muqtaj az qamtylǵan jáne kópbalaly otbasyn turǵyn úımen qamtamasyz etý maqsatynda 11 jataqhana salynýda», - deıdi A.Myrzahmetov Ortalyq kommýnıkatsııalar qyzmetinde ótken brıfıngte.
Onyń aıtýynsha, aǵymdaǵy jyly «Aýyl - altyn besik» jobasy aıasynda oblystyń 3 aýdan ortalyǵynda 3 mlrd teńgege eseptelgen 108 joba asyrylýda. Onyń ishinde 104 jobasy jóndeý jumystaryn qamtıdy, al 4-i áleýmettik nysan salynady. Qurylys 2020 jyly aıaqtalady.
