Asqar Myrzahmetov: Jalǵan anyqtama bergen veterınarlar jumystan shyǵarylý kerek

ASTANA. QazAqparat - Bul týraly QR Premer-Mınıstriniń orynbasary - QR aýyl sharýashylyǵy mınıstri Asqar Myrzahmetov alqa májilisinde et ónimderine berilgen jalǵan anyqtamalarǵa qatysty syn aıtty.

Bul týraly primeminister.kz saıtynda habarlandy.

Aýyl sharýashylyǵy mınıstrliginiń málimetine sáıkes, Astana men ózge qalalarda et ónimderin naryqqa shyǵarýdyń sanıtarlyq talaptaryn kúsheıtý kerek, sebebi ol ónimderdiń satylýyna jol ashatyn jalǵan anyqtamalar beriletin bolǵan. Degenmen, qazirgi tańda mundaı aǵattyqqa jol bergen qyzmetkerlerdiń jumysyna qyzmettik tergeý júrgizilip, quqyq qorǵaý organdaryna anyqtalǵan derekter boıynsha hat joldanǵan.

Osyǵan baılanysty, A. Myrzahmetov veterınarııa salasynda ondaı mamandarǵa orynnyń joqtyǵyn, sondaı-aq, qıǵash isi dáleldengen jaǵdaıda dereý jumystan shyǵarý kerektigin aıtyp ótti.

«Qyzmettik tergeý júrgizilýde deısizder. Mynaý degen qylmyspen para-par. Іshki ister organdary óz quzyreti sheginde máseleni qarastyra jatar. Biraq, biz óz deńgeıimizde mundaıǵa jol bermeýimiz kerek. Eńbek shartynda osyndaı áreketterge jaýapkershilik kórsetilýi kerek. Veterınarııada mundaıǵa oryn joq. Tez arada jaǵdaıdy túzeýdi tapsyramyn. Іs nátıjesi boıynsha maǵan qosymsha baıandańyzdar», - dedi Asqar Myrzahmetov.

Sondaı-aq, alqa otyrysynda vıtse-premer barshaǵa málim derekterdi ortaǵa sala bermeı, ótkir máselelerdi talqylaýǵa shaqyrdy. Tek sonda ǵana jumys jemisti ári nátıjeli bolmaq.