Asqar Myrzahmetov: Turǵyndardyń árbir aryz-shaǵymymen júıeli jumys júrgiziletin bolady
TARAZ. QazAqparat – Jambyl oblysynda turǵyndardyń aryz-shaǵymdaryna, usynys-pikirlerine jergilikti atqarýshy organdar aıryqsha den qoıyp, olarmen júıeli ári shynaıy jumys júrgizip, ýaqtyly sheshimder qabyldap otyrý – basty nazarǵa qoıylmaq. Bul týraly oblys ákimi, «Nur Otan» partııasy oblystyq fılıalynyń tóraǵasy Asqar Myrzahmetovtyń Jýaly aýdanynda ótkizgen qoǵamdyq qabyldaýynda aıtyldy, dep habarlaıdy QazAqparat tilshisi.
Partııanyń aýdandyq fılıalynyń ǵımaratynda ótken qabyldaýǵa aýdannyń alty turǵyny qatysyp, kókeılerin ózekti saýaldaryn joldap, oramdy oı-pikirelerin ortaǵa saldy.
Aıtalyq, Qaırat aýylynyń turǵyny Káribaı Qurmashev aýdandaǵy 19 eldimekendi gazdandyrý máselesin kóterip, aýyldastarynyń talap-tilegin jetkizdi. Oblystyq energetıka jáne turǵyn úı-kommýnaldyq sharýashylyq basqarmasynyń basshysy Nurlan Aldamjarov bul baǵytta tıisti qarajattar qarastyrylyp, jobalyq qujattar jasalynyp qoıǵanyn, alaıda eldimekender kógildir otynǵa kezeń-kezeńimen qosylatynyn bildirdi.
Aımaq basshysy Asqar Isabekuly osy rette halyq ótinishin nazarǵa alyp, gaz qubyry tartylyp úlgergen aýyldardy shetinen kógildir otynǵa qosa berýdiń mańyzdylyǵyna kóńil bólip, bul baǵyttaǵy jumys úılestirýdi tapsyrdy.
Al, Qońyrtóbe aýylynyń turǵyny Sabyr Túımebaev D.Pahomov atyndaǵy orta mektepke japsarlas alty oqý kabınetin jáne sport zal soǵý máselesin ortaǵa saldy. Onyń suraǵyna oblystyq qurylys basqarmasynyń basshysy Jaıyqbaı Shaldarov jaýap berip, ol úshin 198 mıllıon teńgege jobalyq-smetalyq qujattardyń ázirlengeniń jetkizip, atalǵan jumystar keler jyly tolyǵymen júzege asatynyn aıtty.
Sol sekildi nurlykenttik Mýhıddın Nurpeıisovtyń aýylǵa mádenıet úıin soǵý máselesi «Aýyl – el besigi baǵdarlamasy» aıasynda sheshimin tabatyn boldy. Oblys basshysy osy oraıda eldimekenderdegi jańadan boıy kóterip jatqan mádenıet úılerin tıimdi paıdalanýdyn ózektiligine toqtalyp, ondaı ǵımarattardy ámbebap nysan retinde salý múmkinshiligin eskerý kerektigin basa aıtty. ıAǵnı, mádenıet úıiń sport zal retinde de yńǵaılastyryp, barynsha aýyl turǵyndarynyń qajettiligine úzdiksiz qyzmet etkizý jaıy nazarǵa alynbaq.
Oblys basshysynyń aýdandaǵy qoǵamdyq qabyldaýyna jazylǵan ózge de tulǵalar túrli áleýmettik máselelerdi kóterdi. Olardyń qatarynda jer, jaıylymǵa jaıttardy aıryqsha ataýǵa bolady. Qabyldaýda jýalylyqtar áleýmettik máselelerge aıryqsha nazar aýdartty desek, shaqpaqatalyq Smaýl Kóbesov aýyldaǵy ambýlatorııanyń turǵyndarǵa tarlyq etip otyrǵanyn, aýdandyq aýrýhananyń qyzmet kórsetý sapasy kóńilden shyqpaıtynyn, saladaǵy maman tapshylyǵyn ashyna aıtty. Sondaı-aq, Teris aýylynyń turǵyny Oralbek Mahashov aýyldardaǵy mal dárigerleý jumystary oıdaǵydaı emestigin aldyǵa tartty.
Aımaq basshysy, kóterilgen saýaldardyń ózektiligin tilge tıek etip, bul oraıda arnaıy komıssııa qurylyp, naqty tekseris jumystarynyń júrgiziletinin atap ótti. Qorytyndynyń shynaıy ári nátıjeli bolýy úshin qurylatyn komıssııa quramyna aryzdanýshy tulǵalardyń ózderin barynsha tartý kerektigine aıryqsha toqtaldy. Asqar Isabekuly jaýapty tulǵalarǵa turǵyndardyń árbir aryz-shaǵymymen jiti jumys jasap, kem-ketikter men oryn alyp otyrǵan olqylyqtarǵa óz deńgeılerinde barlaý jasap, zań aıasynda sheshim shyǵaryp otyrýdy nyqtap tapsyrdy.
Aıta keteıik, oblys ákiminiń qoǵamdyq qabyldaýy aldaǵy ýaqytta basqa da aýdandar da jalǵasyn tappaq.
