Asqar Myrzahmetov tikeleı efırde kórermen suraqtaryna jaýap beredi

Tikeleı efırde ótetin habarda Asqar Isabekuly ózi basshylyqqa kelgen bir jylǵa jýyq ýaqyt ishinde aımaqta atqarylǵan aýqymdy jumystar týraly jan-jaqty baıandaıtyn bolady. Óńirdi órkendetý jolyndaǵy oń ózgerister men baıandy bastamalardyń barysy jaıly da aıtylmaq.

Oblysqa qatysty aldaǵy jospar, ekonomıkalyq - áleýmettik damytý sharalary, Taraz shaharynyń shyraıyn arttyrýǵa arnalǵan jumystar týraly tolyǵyraq bilgińiz kelse, «JAMBYL» telearnasyndaǵy arnaıy habardy jiberip almańyzdar. 

Kókeıdegi kóp saýaldy tikeleı efırde joldap, jaýap alýǵa bolady. 

Aıta ketý kerek, Jambyl oblysyna jańa ákim kelgeli óńirdiń damý kórsetkishterinde oń dınamıka baıqalady. 2019 jyl­dyń 1 qań­tarynan bastap 101 myń­­ǵa jýyq qyzmetkerdiń eń tómen­gi jalaqysyn 28 284 teń­ge­den 42 426 teńgege deıin ósi­rý úshin oblystyq bıýdjettiń kiris­teri men shyǵystary qaıta qaralyp jatyr. Shıkizattyq emes sektorǵa salynǵan ınvestıtsııa 87 mıllıard teńgeni qurap, ótken jyldyń tıisti kezeńimen salystyrǵanda 13,3 paıyzǵa artqan. Qazirgi tańda oblysta shetel ınvestorlarynyń qatysýymen quny 1 mıllıard AQSh dollaryn quraıtyn 13 joba iske asyrylýda. Oblysta jyl basynan 1,8 myń tonna et eksportqa shyǵarylǵan. Búginde oblys­ta aýyl sharýashylyǵy ónim­derin qaı­ta óńdeıtin 183 kásip­oryn ju­mys isteýde. Budan bólek, quny 8 mıl­lıard teńgeni quraı­tyn 7 ınves­tıtsııalyq bastama qoldaý tapty.  

Óńirde shaǵyn kásip­kerlikti qoldaý maqsatynda 2018 jyly oblystyq bıýdjetten 500 mıl­lıon teńge, «Damý» qorynan 1 mıllıard teńge qarastyrylǵan. Al aýyl turǵyndaryna shaǵyn nesıe berý úshin jergilikti bıýdjetten qosymsha 1 mıllıard teńge bólinip, jalpy soma 5 mıllıard teńgege deıin jetti 

Jańa oqý jylynda oblysta 9 mektep paıdalanýǵa beril­di. Úsh aýysymda jumys isteıtin 3 mekteptiń, apatty jaǵdaıda­ǵy - 3, oryn tapshylyǵy bar 3 mekteptiń máselesi sheshil­di. Búgingi kúni 5 mekteptiń qu­­ry­lysy júrip jatyr. Nátı­jesin­de 1 úsh aýysymdy, 4 oryn tap­­shylyǵy bar mekteptiń má­se­lesi sheshiletin bolady. Ótken jyly óńirde 45 mektep jaratylystaný pánderin aǵyl­shyn tilinde oqytsa, bıylǵy oqý jylynda 277 mektepte 4 pán aǵylshyn tilinde oqytyla bastady. Oblysta Nazarbaev Zııatkerlik mektebi­niń ozyq táji­rıbesi 7 mektepke engizilgen. 


Ǵıbrat Sembaı