Asqar Myrzahmetov mektep aýlasyndaǵy dárethana problemasyn kóterdi
NUR-SULTAN. QazAqparat - Jambyl oblysynda 442 mektep bar, onyń 260-da dárethana ǵımarat syrtynda ornalasqan. Bul týraly Ortalyq kommýnıkatsııalar qyzmetinde ótken brıfıngte Jambyl oblysynyń ákimi Asqar Myrzahmetov aıtty, dep habarlaıdy QazAqparat tilshisi.
«Ókinishke qaraı, bizde mektepter ishindegi dárethanalar ótkendegi oqıǵadan soń paıda bolýda. Biz buǵan deıin ákimdik tarapynan atalǵan problemanyń qalaı sheshiletini týraly aıtqan bolatynbyz. Jalpy mektepterdegi dárethanaǵa qatysty taldaý ol oqıǵa oryn almaı turyp bastalǵan», - deıdi Asqar Myrzahmetov.
Onyń aıtýynsha, oblysta 442 mektep bar, onyń 260-da dárethana ǵımarat syrtynda ornalasqan.
«Mektepterdiń syrtynda ornalasqan dárethanalar máselesin qarastyra kele, 108 mektepke ájethanany ishke ornalastyrýǵa bolatyndyǵy anyqtaldy. Ájethanany mektep ishine kirgizýde káriz, sý jetkizý máselesimen qatar kommýnıkatsııa máselesi bar. Jospar boıynsha kelesi jyldan bastap mektep ájethanalaryn ishke oranalastyrý múmkindikterin qarastyramyz», - deıdi ol.
Eske sala ketsek, Tarazdaǵy mektepterdiń birinde daladaǵy dárethanaǵa suranyp shyqqan oqýshy qyzǵa 38 jastaǵy er adam seksýaldyq zorlyq-zombylyq kórsetti. 15 qarashada kúdikti qolǵa tústi.
Osy oqıǵadan keıin Jambyl oblysyndaǵy barlyq bilim ordalaryndaǵy qaýipsizdik sharalary kúsheıtildi. Al, zardap shekken oqýshy aýrýhanaǵa jatqyzyldy.
