Asqar Myrzahmetov Qostanaı oblysynda egin jınaý naýqanyna daıyndyqpen tanysady

ASTANA. QazAqparat - QR Premer-Mınıstriniń orynbasary-aýyl sharýashylyǵy mınıstri Asqar Myrzahmetov seısenbi kúni jumys saparymen Qostanaı oblysyna barady, dep habarlady vedomstvonyń baspasóz qyzmetinen.

Sapardyń maqsaty - egin jınaý naýqanyna daıyndyq barysymen tanysý.

«Aqmola, Qostanaı jáne Soltústik Qazaqstan oblystarynyń ókilderimen egin jınaý jumystaryna daıyndyq máseleleri boıynsha keńes ótkizý, egistik alqaptaryn aralaý, aýylsharýashylyq nysandarynda bolý josparlanýda», - delingen taratylǵan habarlamada.