Asqar Myrzahmetov: Ekonomıkanyń agrarlyq sektory turaqty damý qarqynyn saqtap otyr
«Bıylǵy jyldyń 6 aıynyń qorytyndysy ekonomıkanyń agrarlyq sektorynda damýdyń turaqty yrǵaǵynyń saqtalyp otyrǵanyn kórsetýde. Aıtalyq, 2016 jyldyń birinshi jartyjyldyǵyndaǵy aýyl sharýashylyǵynyń jalpy ónimi ótken jyldyń dál osy ýaqytymen salystyrǵanda 2,7%-ǵa artty», - dedi ol óz sózinde.
Sondaı-aq, mınıstr elimizdegi mal sharýashylyǵy salasynyń byltyrǵy jylmen salystyrǵanda aıtarlyqtaı ilgerilegenin atap ótti.
Onyń aıtýynsha, mal basy 3,4%-ǵa kóbeıgen, mal sharýashylyǵy ónimderi óndirisi 2,7%-ǵa artqan.
Al kóktemgi dalalyq jumystardyń yrǵaqty júrgizilýin qamtamasyz etý úshin birqatar sharalar qolǵa alynǵan. Dalalyq jumystardy nesıeleý, sondaı-aq egin egý naýqanyn janar-jaǵarmaı materıaldarymen ýaqtyly qamtamasyz etý máseleleri sheshildi. «Jedel derekterge qaraǵanda, bıyl aýyl sharýashylyǵy daqyldarynyń egis kólemi 21,6 mln. ga qurady. Bul 2015 jylǵy deńgeımen salystyrǵanda 448,2 tys. ga kóp. Onyń ishinde, dándi daqyldar 15,2 mln. ga egilip, 280 myń ga qurady», - dedi vedomstvo basshysy.
Sondaı-aq, onyń habarlaýynsha, kóktemgi egis naýqany barynsha qysqa agrotehnıkalyq merzimde júrgizilgen.
«Aǵymdaǵy jaǵdaıdy eskere otyryp, ótken jylǵydan kem emes deńgeıde ónim alamyz degen oıdamyz. Bul elimizdiń astyqqa degen ishki qajettiligin ótep qana qoımaı, 7,0-7,5 mln. tonna kólemdegi eksporttyq áleýettiń saqtalýyna jol ashady», - dep atap ótti A. Myrzahmetov.
«Eseptik merzimde azyq-túlik óndirisiniń artqany baıqalýda: jarma - 73%, un - 20%, ósimdik maıy 6%, kilegeı - 59%, shujyq taǵamdary - 11 %, qyshqyl sút ónimderi - 5%, irimshik pen súzbe óndirisi - 2%», - dedi ol.