Asqar Myrzahmetov Chehııa elshisimen kezdesti
AÓK-ti damytýǵa arnalǵan Memlekettik baǵdarlamany iske asyrý aıasynda Jambyl oblysyndaǵy «Jýaly Alataý» jáne Ońtústik Qazaqstan oblysyndaǵy «Túlkibas-Báıterek» iri sút kooperatıvteri bazasynda sút klasterin óńdeıtin «Alataý fermasy» pılottyq jobasyn daıyndaý boıynsha máseleler talqylandy.
Chehııa eli bizdiń elimizge jańazelandtyq Fonterra jáne dattyq Arla sút kooperatıvteriniń ońtaıly tájirıbesin engizýdi usyndy.
Bul Qazaqstan úshin sút óndirisin arzan baǵaǵa satyp alý men sút óndirisin damytýdaǵy sheshýshi faktor bolyp tabylady.
Aıta keteıik, «Alataý fermasy» pılottyq jobasyn tıimdi iske asyrý respýblıka boıynsha uqsas jobalar serııasyn qurýǵa jáne 600 mln AQSh dollar kóleminde ınvestıtsııa tartýǵa múmkindik beredi.
Bul óz kezeginde 2021 jylǵa qaraı sút kólemin 600 myń tonnaǵa deıin jetkizip, qaıta óńdeý júktemeligin arttyryp, jetildiredi.
Aıta keteıik, Chehııa Ortalyq jáne Shyǵys Eýropa memleketteriniń arasyndaǵy syrtqy ekonomıkadaǵy Qazaqstannyń jetekshi seriktesteriniń biri.
Qarjy mınıstrliginiń málimetinshe, Qazaqstan men Chehııanyń 2016 jyldaǵy taýar aınalymy 252 mln. dollardy qurady (eksport-66 mln, ımport-186 mln).
Chehııanyń mashına qurastyrý tehnologııasynyń damyǵanyn eskere otyryp, Qazaqstan úshin ınvestıtsııa tartýdyń mańyzy zor.
2017 jylǵy 1 naýryzdaǵy jaǵdaı boıynsha Qazaqstanda chehııalyq kapıtaldyń úlesimen 186 birlesken mekeme tirkelgen.