Asqar Myrzahmetov Batys Qazaqstan men Mańǵystaý oblystaryna barady

ASTANA. QazAqparat - 2017 jylǵy 26 shildede Memleket basshysynyń tapsyrmasy boıynsha QR Premer-mınıstriniń orynbasary - Aýyl sharýashylyǵy mınıstri Asqar Myrzahmetov Batys Qazaqstan jáne Mańǵystaý oblysyna barady, dep habarlady QR AShM baspasóz qyzmeti.

«Sapar barysynda mal sharýashylyǵyn damytý, aýyl sharýashylyǵy ónimderin qaıta óńdeý, veterınarııa máseleleri talqylanady», - delingen habarlamada.

Budan basqa, vıtse-mınıstr birneshe aýyl sharýashylyǵy kásiporyndaryna barady, olardyń ishinde Oraldaǵy «POSh Rýno» JShS jáne «Batys Sút» aýyl sharýashylyǵy kooperatıvi bar.

Aqtaýda Asqar Myrzahmetov Aqshuqyr aýylyndaǵy bekire fermasyn, «Aqbıdaı» astyq termınalyn, Aqtaý teńiz soltústik termınalyn kóredi.