Asqar Mýsınov Azyq-túlik qaýipsizdigi jónindegi Islam uıymynyń bas dırektory boldy
2023 jylǵy 3 qazanda Dohada ótken Azyq-túlik qaýipsizdigi jónindegi Islam uıymynyń (AQIU) 6-shy Bas Assambleıasy sheshimimen – qazaq dıplomaty Asqar Mýsınov 2024 jylǵy 1 qańtardan bastap AQIU Bas dırektory laýazymyna saılandy.
Bul týraly Kazinform QR Syrtqy ister mınıstrliginiń baspasóz qyzmetine silteme jasap habarlaıdy.
A. Mýsınov – Qazaqstan Syrtqy ister mınıstrliginde túrli qyzmetterdi atqarǵan. Mysyrdaǵy, Saýd Arabııasyndaǵy, Birikken Arab Ámirlikterindegi jáne Ońtústik Afrıkadaǵy QR Elshisi laýazymynda boldy.
Sonymen qatar, ol QR SІM-de mınıstrdiń orynbasary jáne jaýapty hatshysy qyzmetterin atqardy. AQIU Bas dırektor bolyp taǵaıyndalǵanǵa deıin, 2018 – 2023 jyldar aralyǵynda Islam yntymaqtastyǵy uıymynda Bas hatshynyń ǵylym jáne tehnıka jónindegi orynbasary boldy.
