Asqar Mamınniń Túrkistan qalasyna jumys sapary boıynsha vıdeodaıdjest

NUR-SULTAN. QazAqparat - 2020 jylǵy 13 aqpanda QR Premer-Mınıstri Asqar Mamın jumys saparymen Túrkistan qalasyna bardy.

Onda Premer-Mınıstr ákimshilik, tarıhı-mádenı, áleýmettik maqsattaǵy ǵımarattardyń qurylys alańdaryn aralap kórdi, dep habarlaıdy Úkimettiń baspasóz qyzmeti.

QR Premer-Mınıstri bolashaq halyqaralyq áýejaı ǵımaratyna bardy.

Asqar Mamın ákimshilik, tarıhı-mádenı, áleýmettik maqsattaǵy ǵımarattardyń qurylys barysyn tekserdi.

Qazaqstan Premer-Mınıstri Oqýshylar saraıyna baryp, salynyp jatqan departamentter ǵımaratyn, kongress-holldy, basseıni bar mektep saraıyn, 7000 orynǵa arnalǵan stadıondy, Qazaq drama teatry ǵımaratyn, sondaı-aq attraktsıondary bar qalalyq saıabaqty aralap kórdi.

Sondaı-aq QR Premer-Mınıstri salynyp jatqan tarıhı-mádenı ortalyqtyń, «Uly dala eli» ortalyǵynyń, Q. A. ıAssaýı mýzeıiniń, Uly Jibek joly qolónershileriniń ulttyq ortalyǵynyń, vızıt-ortalyǵynyń, oblystyq ǵylymı-ámbebap kitaphananyń qurylys alańyn tekserdi.

Sonymen qatar Úkimet basshysy qonaq úı-týrıstik nysandardyń qurylysyn qarady.