Asqar Mamın jumys saparymen Almaty oblysyna keldi
TALDYQORǴAN. QazAqparat - QR Prezıdenti Qasym-Jomart Toqaevtyń tapsyrmalary aıasynda A. Mamın óńirde Tuńǵysh Prezıdent - Elbasy Nursultan Nazarbaevtyń joldaýlary men tapsyrmalarynda aıtylǵan qurylymdyq jáne ınstıtýtsıonaldyq reformalardyń oryndalýymen tanysady. Bul týraly primeminister.kz habarlaıdy.
Qazaqstannyń Qytaımen shekarasynda A. Mamın «Batys Eýropa - Batys Qytaı» aýqymdy jobasynyń bir bóligi - «Nur joly» ótkizý pýnktiniń jumysymen tanysady. Sonymen qatar, kólik-logıstıkalyq keshenniń damýymen jáne saýda yntymaqtastyǵyn iske asyrýmen tanysý maqsatynda «Qorǵas - Shyǵys qaqpasy» arnaıy ekonomıkalyq aımaǵyna jáne «Qorǵas» Halyqaralyq shekara mańy yntymaqtastyǵy ortalyǵyna barady.
Taldyqorǵan qalasynda Premer-Mınıstr birqatar áleýmettik ınfraqurylym nysandaryna barady, olardyń mysalynda azamattardyń turmys sapasyn arttyrý boıynsha qabyldanyp jatqan sharalarmen tanysady.
