Asqar Mamın jumys saparymen Almaty oblysyn aralady
TALDYQORǴAN. QazAqparat - QR Premer-Mınıstri Asqar Mamın Almaty oblysyna jumys saparymen bardy, dep habarlaıdy primeminister.kz.
QR Premer-Mınıstri Asqar Mamın Almaty oblysyna jumys saparymen bardy, onda QR Tuńǵysh Prezıdenti – Elbasy N. Á. Nazarbaev bastamashy bolǵan «Nurly jol», «Nurly jer», IIDMB memlekettik baǵdarlamalary aıasyndaǵy ınvestıtsııalyq jobalardy iske asyrý barysymen, sondaı-aq, Memleket basshysy Q. K. Toqaevtyń óńir ekonomıkasyn damytý jónindegi tapsyrmalarynyń oryndalýymen tanysty.
Úkimet basshysy Almaty oblysynyń Eńbekshiqazaq aýdanynda aýyl sharýashylyǵy ónimderin qaıta óńdeý salasyndaǵy jobalardyń damýymen tanysty, atap aıtqanda: eksportqa baǵdarlanǵan «Amal Bio» JShS alma baqtarymen, eleýli eksporttyq áleýeti bar «Adal» AÓK AQ tsıfrlyq sútti-taýar fermasymen jáne júgeri ósiretin alańmen tanysty.
Jambyl aýdanynda Úkimet basshysy «EmpireFood» JShS et kombınatyna, Qarasaı aýdanynda «Hamle» JShS kondıterlik ónimder zaýytyna bardy.
2019 jyldyń qańtar-tamyz aılarynda Almaty oblysynyń negizgi kapıtalyna ınvestıtsııalar kólemi 305,3 mlrd teńgeni nemese ótken jyldyń sáıkes kezeńine shaqqanda 103,3% qurady. Ósim Indýstrııalandyrý kartasy jobalaryn, «Nurly jol», «Nurly jer» baǵdarlamalaryn iske asyrý, gazdandyrý jumystaryn júrgizý, «Alacem» tsement zaýytyn salý, «Sarybulak 2» JES, «Lýkoıl» maılaý materıaldaryn shyǵarý zaýytyn salý arqyly qamtamasyz etildi.
IIDMB jáne Indýstrııalandyrý kartasy aıasynda 2019 jyly 1214 jumys ornyn qurýmen, 61,9 mlrd teńgege 11 jobany iske asyrý josparlanǵan. Olardyń ishindegi iri jumys oryndary: «Jetisý Majıko Agrokesheni» JShS (maı ónimderi men qurama jemniń óndiristik keshenniń qurylysy) jáne «Meat Processing and Service» et óńdeý kesheni.
