Asqar Mamın JOO túlekterin sertıfıkattaýdyń táýelsiz júıesin damytýdy tapsyrdy
«Ýnıversıtetterge zań júzinde akademııalyq jáne basqarý derbestigi berildi. Sonymen qatar mamandardy daıarlaý sapasyn odan ári arttyrý, ol úshin joǵary oqý oryndarynyń jaýapkershiligi tetigin engizý qajet. Bilimdi sapasyz bergen 15 ýnıversıtet jabyldy.
Stýdentterdiń bilimin tekserý arqyly oqytý nátıjesine qoıylatyn biliktilik talaptary qaıta qaraldy», - degen Úkimet basshysy túlekterdiń bilim deńgeıi naryq pen jumys berýshilerdiń talaptaryna saı bolý kerektigin eske saldy.
«Eńbek mınıstrligi men «Atameken» kásipkerler palatasy mamandardy daıarlaý sapasyna negiz bolatyn jańa kásiptik standarttardy jańartý jáne ázirleý boıynsha jumysty jandandyrsyn. Túlekterdi sertıfıkattaýdyń táýelsiz júıesin damytý, Ulttyq biliktilik jiktegishin jańartý qajet. Pandemııa qashyqtan oqytý formatyn damytýdyń joǵary oqý oryndary úshin de mańyzdylyǵyn kórsetti. Sondyqtan bul baǵytty zań júzinde retteý qajet», - dedi Úkimet basshysy.
