Asqar Mamın: Joldaýdyń negizgi basymdyǵy - azamattardyń ál-aýqatyn arttyrý
«Memleket basshysy Qasym-Jomart Kemeluly Toqaev elimizdiń odan ári áleýmettik-ekonomıkalyq damýdyń negizgi basymdyqtaryn belgilep berdi. Prezıdent belgilep bergen mindetter men bastamalar qoǵamnyń suranysy men zamanaýı syn-qaterge negizdelgen. Olardyń iske asyrylýy ekonomıkanyń ornyqtylyǵy men básekege qabilettiligin odan ári arttyrýdyń, halyqtyń ál-aýqatynyń artýy men turmys sapasynyń jaqsarýynyń faktorlaryna aınalmaq. Joldaýda Úkimet jumysynyń naqty baǵyty belgilengen. Qazirgi damý jaǵdaılarynda biz naqty, ári úılesimdi áreket etýimiz qajet», - dedi Úkimet basshysy.
Onyń atap ótýinshe, Joldaýdyń negizgi basymdyqtarynyń biri - azamattardyń áleýmettik kóńil-kúıin jaqsartyp, ál-aýqatyn arttyrý. Sonymen qatar onda halyqtyń naqty tabysyn arttyrýǵa jáne de qarjy qarajatyn jınaqtaýǵa yntalandyrýǵa baǵyttalǵan naqty is-sharalar kózdelgen.
«Alǵa qoıylǵan mindetterdi sheshý densaýlyq saqtaý jáne halyqtyń densaýlyǵyn qorǵaý júıesiniń tıimdiligin arttyrýǵa yqpal etedi. Memleket basshysy usynǵan is-sharalar bilim berýdiń sapasyn jáne qoljetimdiligin jaqsartýdy, onyń ishinde ekonomıka salalary úshin suranysqa ıe mamandardy daıyndaýdy qamtamasyz etedi. Eńbek naryǵynyń tıimdi ekojúıesin qalyptastyrý azamattarymyzdy sapaly jumys oryndarymen qamtamasyz etýge jáne olardyń ózin-ózi kórsetýi úshin qajetti jaǵdaılar jasaýǵa yqpal etetin bolady», - dedi Asqar Mamın.
