Asqar Mamın jınalǵan astyqty saqtap qalý úshin barlyq kúsh-jigerdi jumsaýdy tapsyrdy
«Bıyl aýa-raıynyń qolaısyzdyǵyna baılanysty jınalǵan astyqtyń kólemi ótken jylmen salystyrǵanda 2 mln tonnaǵa kem. Sondyqtan, baǵany turaqtandyrý maqsatynda Aýyl sharýashylyǵy mınıstrligine «Azyq-túlik korporatsııasymen» astyqty ýaqtyly satyp alýdy qamtamasyz etýdi tapsyramyn. Klımattyń ereksheligin nazarǵa ala otyryp, jınalǵan egindi saqtap qalý úshin barlyq kúsh-jigerdi jumsaý qajet. Astyq qabyldaý kásiporyndary astyqty saqtaýǵa ýaqytynda qabyldaýyna, astyqty keptirip, óńdeýine nazar aýdarýy qajet. AShM ákimdiktermen birge aýyl sharýashylyǵy qurylymdarynyń kelesi jyldyń qajettiligin qamtamasyz etip, onyń sapasyn teksersin. Jańa astyqty eksporttaýǵa daıyndyq jumystary aıasynda Indýstrııa jáne saýda, Aýyl sharýashylyǵy mınıstrlikterine logıstıka máselesin sheshý úshin sharalar qabyldaýdy tapsyramyn», - dedi Asqar Mamın Úkimet otyrysynda.
Asqar Mamın sonymen birge Energetıka mınıstrligine aýyl sharýashylyǵy daqyldaryn joǵary ylǵaldylyǵyn eskerip, qazan-qarasha aılarynda astyq men tuqymdy keptirý úshin oblystarǵa qosymsha dızeldik otyn bólýdi tapsyrdy.
«Roman Sklıar egin orýdyń aıaqtalýyn óz baqylaýyna alady», - dedi Asqar Mamın.
Eske sala ketsek, búgingi Úkimet otyrysynda Aýyl sharýashylyǵy mınıstri Saparhan Omarov Qazaqstanda 19,1 mln tonna astyq bastyrylǵanyn, ortasha ónimdilik gektaryna 12,6 tsentnerdi quraǵanyn málim etken bolatyn.