Asqar Mamın jas temirjolshylardy ulttyq kompanııa qurylymdaryndaǵy laýazymdy qyzmetterge taǵaıyndady - QTJ

ASTANA. QazAqparat - Búgin Astanada QR Tuńǵysh Prezıdenti kúnine arnalǵan «QTJ» UK» AQ -da 5-shi Respýblıkalyq jastar forýmy aıaqtaldy. Forýmnyń jabylý saltanatynda 2014 jyly kompanııada júzege asyrylǵan Jastar saıasaty baǵdarlamasynyń aıasynda óndiriske engizilgen 19 ınnovatsııalyq joba qorytyndysy shyǵaryldy, dep habarlady atalǵan kompanııanyń baspasóz qyzmetinen.

«Forým qorytyndysy boıynsha jeńimpazdar TMD jáne Qazaqstannyń temir jol kóligi oqý oryndarynda biliktiligin arttyryp, tehnologııalyq jobalaryn óndiriske engizedi. Birqatary kompanııa basshylyǵynyń sheshimimen jańa laýazymdarǵa taǵaıyndaldy», delingen habarlamada. Naqtyraq aıtqanda, tórt qatysýshy ulttyq kompanııanyń qurylymdaryndaǵy laýazymdy qyzmetterge taǵaıyndaldy. Bes jas maman «Bolashaq basqarýshylar» atalymynyń jeńimpazdary bes jas qyzmetker QR aýmaǵynda bilimin jetildiretin bolsa, birinshi orynǵa ıe bolǵan joba ıesi TMD elderiniń birine jáne alys shetelge joldama alady. «Menedjment jobasy» atalymy boıynsha alty úzdiktiń úsheýi Qazaqstanda, úsheýi TMD elderinde bilimin jetildiredi. Jastardyń úsh ınnovatsııalyq jobasy óndiriske engizilmek. Jastar forýmynyń aıaqtalýy qarsańynda oǵan qatysýshylar QTJ bas ofısinde ornalasqan Temir jol kóligi murajaıyna 2030 jyldyń jastaryna arnaǵan Kapsýla-Pıramıda sımvolıkalyq belgisin ornatty. Kapsýlada qazaq, orys, aǵylshyn tilderinde jastardy patrıottyqqa, temir jol salasyna adaldyqty, otbasy qundylyǵyn saqtap, otan aldyndaǵy mindetin abyroımen aqtaýǵa úndeıtin shaqyrý jazylǵan.