Asqar Mamın Japonııa elshisimen yntymaqtastyqty damytý máselesin talqylady
Kezdesý barysynda saýda-ekonomıkalyq jáne ınvestıtsııalyq yntymaqtastyqtyń ózekti máseleleri talqylandy. 2018 jyly QR men Japonııa arasyndaǵy taýar aınalymy 54% artyp, 2 mlrd dollardy qurady.
Investıtsııalar, aýyl sharýashylyǵy, tehnologııalar, ınnovatsııalar salalaryndaǵy Qazaqstan men Japonııanyń ekonomıkalary arasyndaǵy sınergııa perspektıvalary qaraldy. Taraptar atalǵan baǵytta eki eldiń kásipkerleriniń iskerlik baılanystaryn tereńdetýdiń jáne jańa ınvestıtsııalyq múmkindikter izdestirýdiń alańyna aınalatyn Qazaqstan - Japonııa bıznes forýmyn ótkizý múmkindigin talqylady.
QR Úkimetiniń basshysy strategııalyq seriktestikti damytýdyń mańyzdy mánin atap ótip, Qazaqstannyń tehnologııalyq damý salasyndaǵy ózara is-qımyldy nyǵaıtýǵa degen qyzyǵýshylyǵyn rastady. Bul ónerkásip kásiporyndarynda eńbek ónimdiligin arttyrýǵa jol ashady jáne ekijaqty yntymaqtastyqqa jańa serpin beredi.