Asqar Mamın jańa mınıstrlikterge qandaı mindetter júktelip otyrǵanyn aıtty
NUR-SULTAN. QazAqparat - QR Premer-Mınıstri Asqar Mamın jańadan qurylǵan mınıstrlikterdiń jumysy týraly aıtyp berdi, dep habarlaıdy QazAqparat tilshisi.
«Qaýlyǵa sáıkes, jańa mınıstrlikter quryldy. Saýda jáne ıntegratsııa mınıstrligine ishki jáne syrtqy saýda saıasatyn, eksportty alǵa jyljytý men ony úılestirý, standarttaýdy tehnıkalyq turǵyda retteý mindetteri júkteldi. Al Ekologııa, geologııa jáne tabıǵı resýrstar mınıstrligine qorshaǵan ortany qorǵaý, geologııa salasyndaǵy tabıǵı resýrstardy, eldiń mıneraldy-shıkizattyq óndirisin tıimdi túrde paıdalaný mindetteri tapsyryldy», - dedi Asqar Mamın Úkimet otyrysynda.
Sonymen birge, Úkimet basshysy Ekologııa, geologııa jáne tabıǵı resýrstar mınıstrligine qatty turmystyq qaldyqtardy óńdeý, sýmen qamtý qyzmetteri júktelgenin atap ótti.
Eske sala ketsek, búgin Úkimet úıinde qyzmetine jańa kirisken mınıstrler ant bergen bolatyn.
