Asqar Mamın Ulttyq olımpıada komıteti prezıdenttigine kandıdat usyndy

NUR-SULTAN. QazAqparat - Elordada ótip jatqan QR Ulttyq olımpıada komıteti Bas assambleıasynyń otyrysynda el Premer-Mınıstri Asqar Mamın atalǵan komıtettiń prezıdenti laýazymyna Tımýr Qulybaevtyń kandıdatýrasyn usyndy, dep habarlaıdy QazAqparat tilshisi.

«Búgingi otyrysta biz Ulttyq olımpıada komıtetiniń prezıdentin saılaýymyz kerek. Federatsııalar tarapynan kandıdat usynyldy. Qazaqstannyń shaıbaly hokkeı federatsııasy atynan Tımýr Asqaruly Qulybaevtyń kandıdatýrasyn usynǵanymyzdy aıtqym keledi. UOK prezıdenti saılaý bizdiń olımpıadalyq komıtetimizdi, olımpıadalyq sport túrlerin jáne tolyqtaı alǵanda elimizdegi buqaralyq sportty odan damytýdyń mańyzdy qadamy sanalady. Bul bizdiń durys ári jaýapt tańdaýymyz bolaryna senimdimin», - dedi Asqar Mamın.

Osy rette Úkimet basshysy elimizde sportty damytýǵa úlken qarjylaı qoldaý kórsetilip otyrǵanyn atap ótti.

«Bıyl sportty damytýǵa respýblıkalyq bıýdjetten 31 mlrd teńge bólindi. Kelesi jyly 51 mlrd teńge bólý josparlanǵan. Bul - respýblıkalyq bıýdjetten ǵana. Munan bólek, jergilikti bıýdjetten de qarjylandyrylady», - dedi ol.

Aıta keteıik, Tımýr Qulybaev qazirgi ýaqytta da Ulttyq olımpıada komıtetiniń prezıdenti qyzmetin atqarady.