Asqar Mamın: Úkimet bıznespen birlesip jumys isteýdi jalǵastyrady
«Jumystyń bastalǵandyǵyn jáne oń úrdis baryn eskere otyryp, jergilikti qamtamasyz etý máseleleri erekshe baqylaýda. Іshki naryqty qaýipti jáne sapasyz ónimderden qorǵaý úshin sharalar qabyldanýda. Bul halyqty tutynýshy retinde qorǵaý ǵana emes, sonymen qatar bizdiń óndirýshiler úshin josyqsyz básekelestiktiń aldyn alý. Biz tehnıkalyq retteý jáne standarttaý quraldaryn belsendi qoldanýǵa nıettimiz. Osy baǵytta «Atameken» Ulttyq kásipkerler palatasymen belsendi jumys isteımiz dep oılaımyn», - dedi QR Premer-Mınıstri «Atameken» Ulttyq kásipkerler palatasy Prezıdıýmynyń VI Sezinde.
Asqar Mamın kásipkerlikti damytýǵa baǵyttalǵan «Eldik skrınıng» jobasy týraly da aıtty.
«Kásipkerlikti damytý kóbinese óńirlik jaǵdaıǵa baılanysty. Úkimet «Atamekenmen» birlesip, óńirlerde ósý núktesin anyqtaý úshin «Eldik skrınıng» júrgizip jatyr. Búgingi tańda júıege respondentterdiń 1,8 mıllıonǵa jýyq málimetteri júktelip, 6 myń eldi mekende ósim baıqalyp otyr. Osy taldaýdy júrgizý aýdan deńgeıindegi aımaqtardy anyqtaıdy, olarǵa bıznesti damytý úshin taýashalar bólinedi. Memlekettik qoldaý sharalary nátıjesinde aýdandar men aýyldyq okrýgter deńgeıinde usynystar jasalady. Kútiletin nátıje - bul halyq kiristeriniń turaqty ósýi, jumyspen qamtýdyń damýy. Munyń bári otandyq óndirýshilerge ishki naryqta qoldaý tabýǵa múmkindik beredi. Biz bul jumysty «Atamekenmen» birlesip belsendi túrde júrgizýge daıynbyz», - dep atap ótti Premer-Mınıstr.
Úkimet basshysynyń aıtýynsha, kásipkerlik qyzmetti damytýǵa serpin beretin taǵy bir baǵyt - turǵyn úı saıasatyn júzege asyrý.
«10 jyl ishinde biz turǵyn úı qurylysyn qarjylandyrý kólemin arttyrýdy josparlap otyrmyz. «Nurly Jer» baǵdarlamasy boıynsha 6,4 trln teńge bólindi, qazir joba daıyn tur. Qabyldanǵan sharalar turǵyn úı máselelerin sheship, qurylys salasynyń damýyna jańa serpin beredi. Nátıjesinde, ekonomıkanyń osy sektory esebinen turaqty ósim qalyptaspaq. Jalpy, Úkimet bıznes-ortany ári qaraı jetildirý jáne barlyq problemalardy sheshý boıynsha bıznespen birlesip jumys isteýdi jalǵastyra beredi», - dep atap ótti A. Mamın.