Asqar Mamın: Túrki tildes memleketterdiń ekonomıkalyq baılanysyn jandandyrý qajet

ASTANA. QazAqparat - QR Premer-Mınıstri Asqar Mamın Túrki tildes memleketter yntymaqtastyǵy keńesiniń (TMYK) bas hatshysy Baǵdat Ámireevpen kezdesti, dep habarlaıdy primeminister.kz.

Memleket basshysy Nursultan Nazarbaevtyń yntymaqtastyqtyń túrki uıymdarynyń qurylymdyq reformalary, túrki ıntegratsııasynyń qoryn jáne TMYK birlesken ınvestıtsııalyq qoryn qurý boıynsha usynǵan bastamalaryn iske asyrýǵa erekshe kóńil bólindi.

Kezdesý barysynda túrki tildes memleketterdiń ekonomıka salasyndaǵy ózara is-qımyl máseleleri, sondaı-aq, ınvestıtsııalyq yntymaqtastyq, kólik jáne logıstıkany damytý, birlesken kásiporyndardy qurý áleýeti, TMYK múshe memleketterdiń básekege qabilettiligi men eksporttyq áleýetin arttyrý máseleleri talqylandy.

«Túrki tildes memleketterdiń yntymaqtastyǵy keńesiniń aıasynda túrki tildes memleketterdiń ózara is-qımylynyń ekonomıkalyq kún tártibin qalyptastyrý boıynsha jumystardy jandandyrý kerek», - dep A. Mamın, mashına jasaý, týrızm, agrosektor, jeńil ónerkásip salalaryndaǵy, sonymen qatar jalpy «qarapaıym zattar ekonomıkasyn» damytý salasyndaǵy yntymaqtastyqtyń zor áleýetin atap ótti.

Óz kezeginde B. Ámireev bıyl naýryzda Astanada ótken TMYK keden qyzmetteri basshylarynyń otyrysy týraly aqparat berdi. Jalpy, Keńestiń keden qyzmetteriniń ózara is-qımyly, múshe memleketterdiń keden qyzmetteri arasynda Ózara túsinistik týraly memorandýmdy iske asyrý jáne saqtaý máseleleri qaraldy.