Asqar Mamın Táýelsizdiktiń 30 jyldyǵyna oraı memlekettik nagradalardy tabystady

NUR- SULTAN. QazAqparat - Qazaqstan Respýblıkasynyń Prezıdenti Qasym-Jomart Toqaevtyń Jarlyǵyna sáıkes, QR Premer-Mınıstri Asqar Mamın Táýelsizdiktiń 30 jyldyǵyna oraı eńbek ardagerlerine, mınıstrlikter men vedomstvolardyń, ulttyq kompanııalardyń qyzmetkerlerine, sondaı-aq iskerlik orta ókilderine Qazaqstannyń áleýmettik-ekonomıkalyq damýyna qosqan úlesi úshin memlekettik nagradalardy tabystady, dep habarlaıdy QazAqparat Úkimet basshysynyń resmı saıtyna silteme jasap.

«Táýelsizdiktiń 30 jyldyǵy – Qazaqstan tarıhyndaǵy aıtýly kún. Táýelsizdik – memlekettiliktiń berik negizi, erkindiktiń, turaqtylyqtyń jáne ultaralyq kelisimniń sımvoly. Bizdiń táýelsizdigimiz árbir qazaqstandyqtyń óz eli men jeriniń ıgiligi úshin atqarǵan qajyrly eńbegimen, árqaısymyzdyń damyǵan jáne qýatty memlekette ómir súrýge degen umtylysymyzdyń arqasynda nyǵaıa túsedi», — dedi A. Mamın saltanatty jıynda sóılegen sózinde.

Úkimet basshysy QR Tuńǵysh Prezıdenti – Elbasy Nursultan Nazarbaevtyń basshylyǵymen Táýelsizdiktiń 30 jyly ishinde Qazaqstanda mańyzdy saıası jáne áleýmettik-ekonomıkalyq reformalar tabysty júrgizilgenin atap ótti.

Memleket basshysy Qasym-Jomart Toqaev ekonomıkany damytýǵa, halyqtyń ál-aýqaty men turmys sapasyn arttyrýǵa, eldegi beıbitshilik pen qoǵamdyq kelisimdi saqtaýǵa baǵyttalǵan strategııalyq baǵytty tabysty júzege asyryp keledi.

I dárejeli «Barys» ordenimen eńbek ardageri Nyǵmatjan Esenǵarın, III dárejeli «Barys» ordenimen Qazaqstan Qarjygerleri qaýymdastyǵy keńesiniń tóraǵasy Elena Bahmýtova marapattaldy. «Parasat» ordenimen densaýlyq saqtaý vıtse-mınıstri Jandos Búrkitbaev, saýda jáne ıntegratsııa vıtse-mınıstri Janel Kúshikova, tótenshe jaǵdaılar vıtse-mınıstri Mereke Pishembaev, Indýstrııa jáne ınfraqurylymdyq damý mınıstrliginiń Qurylys isi jáne turǵyn úı-kommýnaldyq sharýashylyǵy komıtetiniń tóraǵasy Tımýr Qaraǵoıshın, «QazMunaıGaz» UK» AQ basqarma tóraǵasynyń orynbasary Danııar Tıesov, «Qazatomónerkásip» UAK» AQ basqarmasynyń eks-tóraǵasy Ǵalymjan Pirmatov, Qazaqstan avtobıznes qaýymdastyǵynyń prezıdenti Andreı Lavrentev, «Qazaqtelekom» AQ basqarma tóraǵasynyń keńesshisi Saılaýhan Raıymbekov marapattaldy. II dárejeli «Dostyq» ordeni «Sıne Mıdas Stroı» JShS bas dırektory Ahmet Býdanǵa, «Kazpi.KZ» AQ basqarma tóraǵasy Mıhaıl Lomtadzege, «Prommashkomplekt» JShS damytý jónindegi dırektory Sergeı Pavlıngerge, «Todını Tsentral Azııa» JShS dırektory Fabıo Almanoǵa, «Alsım Alarko Sanaıı Tesıslerı ve Tıdjaret» AQ vıtse-prezıdenti Abbas Shahınǵa berildi.

«Qurmet» ordenimen Eýrazııalyq ekonomıkalyq komıssııanyń Básekelestik jáne monopolııaǵa qarsy retteý jónindegi alqa múshesi Arman Shaqqalıev, energetıka birinshi vıtse-mınıstri Murat Jórebekov, densaýlyq saqtaý birinshi vıtse-mınıstri Marat Shoranov, energetıka vıtse-mınıstri Jumabaı Qaraǵaev, densaýlyq saqtaý vıtse-mınıstri Ajar Ǵınııat, aqparat jáne qoǵamdyq damý vıtse-mınıstri Kemelbek Oıshybaev, eńbek jáne halyqty áleýmettik qorǵaý vıtse-mınıstri Erbol Ospanov, syrtqy ister mınıstriniń orynbasarlary Almas Aıdarov pen Erlan Álimbaev, qorǵanys mınıstriniń orynbasary Daryn Tuıaqov, ulttyq ekonomıka vıtse-mınıstri Azamat Amrın, ádilet vıtse-mınıstri Azamat Ámirǵalıev, «QazTrade» saýda saıasatyn damytý ortalyǵy» AQ bas dırektory Azamat Asqaruly, Qarjy mınıstrliginiń Memlekettik múlik jáne jekeshelendirý komıtetiniń tóraǵasy Baqytbek Táshenev, Saýda jáne ıntegratsııa mınıstrliginiń Tutynýshylardyń quqyǵyn qorǵaý komıtetiniń tóraǵasy Asqar Tynysbekov, Aqparat jáne qoǵamdyq damý mınıstrliginiń Etnosaralyq qatynastardy damytý komıtetiniń tóraǵasy Ǵalym Shoıkın, Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aeroǵarysh komıtetiniń tóraǵasy Baýbek Oralmaǵambetov, Aýyl sharýashylyǵy mınıstrliginiń Jer resýrstaryn basqarý komıteti tóraǵasynyń orynbasary Gúljahan Bımendına jáne Premer-Mınıstr Keńsesiniń birqatar qyzmetkeri marapattaldy.

«Eren eńbegi úshin» medalimen bilim jáne ǵylym birinshi vıtse-mınıstri Sholpan Karınova, energetıka vıtse-mınıstri Janat Jahmetova, tsıfrlyq damý, ınnovatsııalar jáne aeroǵarysh ónerkásibi vıtse-mınıstri Málik Oljabekov, «Damý» kásipkerlikti damytý qory» AQ basqarma tóraǵasy Gaýhar Bóribaeva, Syrtqy ister mınıstrliginiń Investıtsııalar komıtetiniń tóraǵasy Ardaq Zebeshev, Aqparat jáne qoǵamdyq damý mınıstrliginiń Azamattyq qoǵam isi komıtetiniń tóraǵasy Madııar Qojahmet, Bilim jáne ǵylym mınıstrliginiń Bilim jáne ǵylym salasyndaǵy sapany qamtamasyz etý komıtetiniń tóraǵasy Gúlzat Kóbenova jáne mınıstrlikter men vedomstvolardyń, sondaı-aq Premer-Mınıstr Keńsesiniń basqa da qyzmetkerleri marapattaldy.

QR Qurmet gramotasymen Tsıfrlyq damý, ınnovatsııalar jáne aeroǵarysh ónerkásibi mınıstrliginiń Telekommýnıkatsııalar komıteti tóraǵasynyń orynbasary Zúlfııa Qudaıbergenova jáne Premer-Mınıstr Keńsesiniń birqatar qyzmetkeri marapattaldy.