Asqar Mamın tarıhı oryndardy qalpyna keltirý jumystarymen tanysty
TÚRKІSTAN. QazAqparat - Búgin QR Premer-Mınıstri Asqar Mamın jumys saparymen Túrkistan oblysyna kelip, oblys ortalyǵyndaǵy qurylys barysymen tanysty. QR Tuńǵysh Prezıdenti - Elbasy Nursultan Nazarbaevtyń oblys ortalyǵyn damytý jáne 2019-2021 jyldarǵa arnalǵan Túrkistan qalasyn damytýdyń keshendi josparynyń oryndalý barysyn tekserdi, dep habarlaıdy QazAqparat tilshisi.
Memleket Basshysy qalanyń ákimshilik-iskerlik ortalyǵynda boı kóterip jatqan oblys ákimdigi, basqarmalar jáne departamentter ǵımarattary, Medıa-ortalyq pen Kongress-Holldyń qurylysy salynyp jatqan alańdardy qarap shyqty. Qalany damytýdyń basym baǵyttary áleýmettik nysandar qataryna ortalyq stadıon men oqýshylar saraıy jáne HQO kiredi. Jańadan salynyp jatqan saz mektebiniń qurylysy boıynsha jobalar men júzý basseıni bar sport saraıy jáne oblystyq ǵylymı-ámbebap kitaphana daıyndyq kezeńinde. Búginde halyqtyń jaıly ómir súrýin qamtamasyz etý maqsatynda óńirde abattandyrý jáne kóriktendirý nysandary qolǵa alynǵan. Ol úshin Tuńǵysh Prezıdent saıabaǵy, qalalyq oıyn-saýyq parki, mýzykalyq fontan, amfıteatr jáne Arbat salynýda. Barlyq qurylys jumystary keste boıynsha júrgizilip, ýaqytynda aıaqtalady.
Jumys sapary barysynda Úkimet basshysy Asqar Mamın qalany oblys ortalyǵynyń kireberis qaqpasymen baılanysatyn jáne 18 metrge deıin sozylatyn B.Sattarhanov dańǵylynyń ýchaskesine nazar aýdardy. Úkimet basshysy Túrkistan qalasynyń aınalasyndaǵy «jasyl beldeýdi» qurý, sýarý júıesin damytý jumystarynyń barysymen tanysty. «Arys-Túrkistan» arnasyn qaıta jańǵyrtý jáne «Mashına» arnasynyń qurylysy qarastyryldy. Jobalardy iske asyrý sýarmaly sý tapshylyǵyn tolyǵymen sheshedi jáne aýyl sharýashylyǵy óndirisiniń jyldyq kólemin arttyrýǵa múmkindik beredi. Jumys sapary barysynda ındýstrıaldy aımaqtyń aýmaǵyn keńeıtý jáne «TURKISTAN» arnaıy ekonomıkalyq aımaǵyn iske qosý boıynsha jobalar usynyldy. Infraqurylym jeke ınvestıtsııalar esebinen júrgiziledi dep kútilýde.
Premer-Mınıstr Qoja Ahmet ıAsaýı murajaıynyń qurylys alańdaryn, tarıhı sáýlet túrinde salynyp jatqan Shyǵys monshasyn, týrıstik vızıt-ortalyǵyn aralady. Oblys ákimdiginde «Áziret Sultan» murajaı-qoryǵynyń aýmaǵyn jaqsartý jáne qalashyqtaǵy tarıhı oryndardy qalpyna keltirý jumystary tanystyryldy.
