Asqar Mamın sý tasqyny qaýpi týraly halyqty ýaqytyly habardar etýdi tapsyrdy

NUR-SULTAN. QazAqparat – Sý tasqyny qaýpi bolǵanda halyqty habardar etý jumysyn belsendi júrgizýi qajet. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Tótenshe jaǵdaılar mınıstrligi ákimdermen birlesip, tıisti jedel shtabtar qurýdy, aldaǵy sý tasqyny kezeńine kúsh pen quraldardyń daıyndyǵyn jáne sý tasqyny qaýpi bolǵan jaǵdaıda halyqty ýaqytyly habardar etýdi qamtamasyz etsin», - dedi Úkimet basshysy.

Asqar Mamınniń aıtýynsha, tótenshe jaǵdaıda jedel shara qabyldanýy tıis.

«Jalpy Tótenshe jaǵdaılar mınıstrligi ákimdiktermen birlesip, sý tasqyny qaýpi bolǵanda nemese sý basqan jaǵdaıdaǵy is-áreket barysy jaıly halyqty habardar etý jumysyn belsendi júrgizýi qajet. Aqparat mınıstrligi osy máselede járdemdessin. Osy másele boıynsha úılestirý Roman Vasılevıchte», - dedi Asqar Mamın orynbasary Roman Sklıarǵa qarata.