Asqar Mamın sý boıynsha tarıftik saıasatty jetildirýdi tapsyrdy
«Mynadaı máselelerge nazarlaryńyzdy aýdarǵym keledi. Birinshi, ortalyq jáne jergilikti memlekettik organdar aýyldyq eldi mekenderdi aýyzsýmen qamtamasyz etý jáne bıylǵy jyl qorytyndysy boıynsha josparly kórsetkishterge qol jetkizý boıynsha barlyq qajetti sharalardy qabyldasyn. Ekinshi, Ulttyq ekonomıka mınıstrligi Indýstrııa, Ekologııa mınıstrlikterimen jáne ákimdiktermen birlesip, sý paıdalanýda tsıfrlyq tehnologııalardy engizýdi qosa alǵanda, qajetti ınvestıtsııalyq shyǵyndardy eskerip, sý boıynsha tarıftik saıasatty jetildirý máselesin pysyqtasyn», - dedi Asqar Mamın Úkimettiń búgingi otyrysynda.
Sonymen birge, Úkimet basshysy Indýstrııa mınıstrligine ákimdiktermen birlesip, aýyldarda sýmen jabdyqtaý obektilerin salý kezinde baqylaýdy kúsheıtýdi tapsyrdy.
«Jáne Indýstrııa mınıstrligi eldi mekenderdi sýmen jabdyqtaýdyń ınteraktıvti kartasyn jańartsyn, oǵan tutynýshylarmen keri baılanys fýnktsııasyn qossyn», - dedi A. Mamın.
Buǵan deıin Asqar Mamın sýmen jabdyqtaý salasyn avtomattandyrýdy jáne ınnovatsııalyq tehnologııalardy arttyrýdy tapsyrǵan edi.
