Asqar Mamın «Roskosmos» basshysy Dmıtrıı Rogozınmen kezdesti

NUR-SULTAN. QazAqparat - QR Premer-Mınıstri Asqar Mamın «Roskosmos» ǵarysh qyzmeti jónindegi memlekettik korporatsııasynyń bas dırektory Dmıtrıı Rogozındi qabyldady, dep habarlaıdy QazAqparat primeminister-ge silteme jasap.

Taraptar ǵarysh salasyndaǵy Qazaqstan – Reseı yntymaqtastyǵynyń ózekti máselelerin, onyń ishinde «Baıqońyr» ǵarysh aılaǵyn odan ári damytý jáne ortasha sheshimdegi Jerdi qashyqtan zondtaý ǵarysh júıesin qalyptastyrý máselelerin talqylady.

«Báıterek» birlesken ǵaryshtyq zymyran keshenin («Nazarbaev starty») qurý jobasyna erekshe nazar aýdaryldy.

Kezdesýge QR Premer-Mınıstriniń orynbasary Roman Sklıar jáne QR tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın qatysty.