Asqar Mamın «Roskosmos» basshysy D. Rogozınmen kezdesti
NUR-SULTAN. QazAqparat - QR Premer-Mınıstri Asqar Mamın «Roskosmos» ǵarysh qyzmeti jónindegi memlekettik korporatsııasynyń bas dırektory D. Rogozınmen kezdesti, dep habarlaıdy QazAqparat.
Úkimettiń resmı saıtynda habarlanǵanyndaı, taraptar ǵarysh salasyndaǵy Qazaqstan – Reseı yntymaqtastyǵynyń ózekti máselelerin, onyń ishinde «Baıqońyr» ǵarysh aılaǵyn odan ári damytý men Jerdi qashyqtan zondtaý salasyndaǵy ózara is-qımyldy talqylady.
«Báıterek» birlesken ǵarysh zymyran keshenin («Nazarbaev starty») qurý jobasyna jáne BAÁ-men birlesken, «Gagarın startyn» jańǵyrtýdyń úshjaqty jobasyna erekshe nazar aýdaryldy.
Kezdesýge QR tsıfrlyq damý, ınnovatsııalar jáne aeroǵarysh ónerkásibi mınıstriniń mindetin atqarýshy B. Mýsın qatysty.
