Asqar Mamın «Rosatom» korporatsııasynyń basshysyn qabyldady
NUR-SULTAN. QazAqparat - QR Premer-Mınıstri Asqar Mamın «Rosatom» korporatsııasynyń bas dırektory Alekseı Lıhachevpen kezdesý ótkizdi, dep habarlaıdy QazAqparat Úkimet basshysynyń resmı saıtyna silteme jasap.
«Atom salasyndaǵy yntymaqtastyq bizdiń elderimizdiń arasyndaǵy ekijaqty qarym-qatynastarda mańyzdy oryn alady. Búginde baǵyttardyń keń spektri boıynsha birlesken jumystar júrgizilip jatyr», — dedi A. Mamın.
Qazaqstanda 5 qazaqstandyq-reseılik birlesken ýran óndirýshi kásiporyn jumys isteıdi: «Zarechnoe» BK AQ, «Qarataý» JShS, «Aqbastaý» BK» AQ, «OTHK» BK» JShS, «Horasan-U» BK» JShS. 2018 jyly olar 8427 tonna ýran (QR-da ýran óndirýdiń barlyq kóleminen 38,8%), osy jyldyń 9 aıynda – 6645,8 tonna ýran óndirdi.
Taraptar atom energııasyn beıbit maqsatta paıdalaný salasyndaǵy Reseı-Qazaqstan yntymaqtastyǵynyń keshendi baǵdarlamasyn júzege asyrý barysyn, sonyń ishinde ýrandy óndirý jáne baıytý, ǵylymı-tehnıkalyq jáne ınnovatsııalyq damý salasyndaǵy, sondaı-aq Atom Qýaty Halyqaralyq Agenttigimen Tómen baıytylǵan ýran banki boıynsha ózara is-qımyldyń qazirgi jaǵdaıy men perspektıvalaryn talqylady.
