Asqar Mamın Reseıdegi Astrahan oblysynyń delegatsııasyn qabyldady

NUR-SULTAN. QazAqparat - QR Premer-Mınıstri Asqar Mamın RF Astrahan oblysynyń gýbernatory Igor Babýshkın bastaǵan delegatsııamen kezdesti, dep habarlaıdy QazAqparat primeminister.kz-ge silteme jasap.

Taraptar Qazaqstan Respýblıkasy men Reseı Federatsııasy arasyndaǵy saýda-ekonomıkalyq, ınvestıtsııalyq, ónerkásiptik, tranzıttik-kólik, týrıstik, mádenı-gýmanıtarlyq salalardaǵy shekara mańy yntymaqtastyǵynyń ózekti máselelerin talqylady.

Ózara saýda qarqynyn arttyrý úshin shekara mańy saýdasy ortalyǵyn qurý perspektıvalary talqylandy.

Bıyl QR men RF arasyndaǵy ózara saýda dınamıkasy belsendi qalpyna keltirilýde. 2021 jylǵy qańtar-mamyrda taýar aınalymy 26,2%-ǵa ósip, $8,6 mlrd qurady. Qazaqstannyń Reseıge eksporty 40%-dan astamǵa ulǵaıdy. Birinshi kezektegi mindet – taýar aınalymynyń kórsetkishterin 2019 jylǵy deńgeıge qaraǵanda $20 mlrd deıin jetkizý.

Shekara mańyndaǵy saýdanyń Qazaqstannyń Reseımen ózara saýdasynda úlesi zor, osyǵan baılanysty taraptar ony odan ári damytý úshin sharalar belgiledi.

Astrahan oblysynyń keme jasaý kásiporyndarynyń tájirıbesin eskere otyryp, A. Mamın ónerkásiptik kooperatsııa jobalaryn damytý perspektıvasymen keme jasaý salasyndaǵy yntymaqtastyqty keńeıtý múmkindigin atap ótti.

Shekara mańy baılanystaryn damytýdaǵy perspektıvaly baǵyt týrızm salasyndaǵy yntymaqtastyq bolyp otyr. Aqtaý jáne Astrahan qalalary arasynda Kaspıı teńizi boıynsha teńiz krýızin iske qosý múmkindigi qarastyryldy. Bul shekara mańyndaǵy óńirlerdiń saýda-ekonomıkalyq áleýetin damytýǵa da yqpal etetin bolady.