Asqar Mamın Reseı Úkimetiniń tóraǵasymen Máskeýde kelissóz júrgizdi
MÁSKEÝ. QazAqparat - QR Premer-Mınıstri Asqar Mamın Máskeý qalasyna jumys sapary aıasynda RF Úkimetiniń Tóraǵasy Mıhaıl Mıshýstınmen kelissóz júrgizdi. Bul týraly QazAqparat Úkimettiń baspasóz qyzmetine silteme jasap habarlaıdy.
Taraptar saýda-ekonomıkalyq, qarjy-ınvestıtsııalyq, energetıka salalaryndaǵy, sondaı-aq ónerkásiptik kooperatsııadaǵy ekijaqty yntymaqtastyqty odan ári arttyrý máselesin talqylady.
Eýrazııalyq ekonomıkalyq odaq formatyndaǵy ózara is-qımyldyń ózekti máseleleri qaraldy. COVID-19 indetiniń taralýyna qarsy kúres jáne eki eldiń ekonomıkasy úshin pandemııanyń saldaryn joıý jónindegi birlesken sharalarǵa erekshe kóńil bólindi.
Sonymen qatar Máskeý qalasyna sapar barysynda QR Premer-Mınıstri A. Mamınniń Reseıdiń ortalyq memlekettik organdarynyń, memlekettik korporatsııalary men qarjy-bank qurylymdarynyń basshylyǵymen kezdesýleri josparlanǵan.