Asqar Mamın: Ramazan aıy — sabyr men erik-jigerdi damytatyn rýhanı kemeldený kezeńi

NUR-SULTAN. QazAqparat - QR Premer-Mınıstri Asqar Mamın Qazaqstan musylmandaryn qasıetti Ramazan aıynyń bastalýymen quttyqtady, dep habarlaıdy QazAqparat.

«Qazaqstannyń musylmandar qaýymyn qasıetti Ramazan aıynyń bastalýymen quttyqtaımyn. Bul – adamnyń kirshiksiz taza nıeti men izgilikti isteri úshin Jaratýshynyń sheksiz raqymyna bólenetin, al Oraza ustap, aýyz bekitý senimi men rýhyn nyǵaıtyp, sabyry men erik-jigerin damytatyn rýhanı kemeldený kezeńi. Ramazan musylmandardy ǵana emes, bizdiń elimizdegi ózge din ókilderin de biriktiretin meıirim men qaıyrymdylyq, jomarttyq sııaqty shynaıy adamgershilik qasıetterdi tolyq tanýǵa jol ashady.

Barlyq qazaqstandyqtarǵa myqty densaýlyq, qajymas jiger men jaqsylyqqa degen senim, beıbitshilik pen amandyq tileımin!» dep jazdy Úkimet basshysy.