Asqar Mamın: Prezıdenttiń saılaýaldy baǵdarlamasyna úlken jaýapkershilikpen qaraý kerek
NUR-SULTAN. QazAqparat - Úkimet basshysy Asqar Mamın Prezıdent Qasym-Jomart Toqaevtyń saılaýaldy baǵdarlamasyndaǵy josparlardy oryndaýǵa úlken jaýapkershilikpen qaraýǵa shaqyrdy, dep habarlaıdy QazAqparat tilshisi.
«Bizdiń jumystyń eń basty maqsaty - azamattardyń ál-aýqatyn arttyrý. Sondyqtan, Prezıdenttiń saılaýaldy baǵdarlamasyndaǵy jospardy oryndaýǵa úlken jaýapkershilikpen qaraý kerek. Jospar sabaqtastyqqa, ádildikke jáne progreske negizdelgen. Birinshi - sabaqtastyq qaǵıdaty aıasynda Úkimettiń jumysy Elbasy bastaǵan jumysty jalǵastyratyn bolady. Atap aıtqanda, «100 naqty qadam - Ult jospary», «2050 jylǵa deıingi strategııalyq damý jospary», Qoǵamdyq kelisim qatarly mehanızmderge nazar aýdarylady. Ekinshiden, ádildik qaǵıdaty aıasynda sot júıesin jetildirýge, qoǵamdyq qaýipsizdikti arttyrýǵa, sybaılas jemqorlyqty barlyq deńgeıde joıýǵa baǵyttalǵan», - dedi Úkimet basshysy.
Sonymen qatar, Asqar Mamın halyqty áleýmettik qamtamasyz etý jáne bilim berýdiń qazirgi zamanǵy standarttary engiziletinin, medıtsınalyq qyzmettiń qoljetimdiligi artyp, jańa jumys oryndaryn qurý, memlekettik basqarý tetikteri jetildiriletinin málim etti.
«Úshinshi progress aıasynda halyqtyń áleýmettik jaǵdaıyn arttyrý, aýyldardy damytý, bıznesti jetildirý sharalary josparlanǵan. Eldiń damýynda jastardyń róli erekshe. Olar progrestiń qozǵaýshy kúshine aınalýy tıis», - dedi Asqar Mamın.
