Asqar Mamın Peterbýrg traktor zaýytynyń bas dırektorymen kezdesti
NUR-SULTAN. QazAqparat - QR Premer-Mınıstri Asqar Mamın «Peterbýrg traktor zaýyty» AQ bas dırektory Sergeı Serebrıakovpen kezdesý ótkizdi, dep habarlaıdy QazAqparat primeminister.kz silteme jasap.
Kezdesý barysynda yntymaqtastyq máseleleri jáne Qazaqstanda «Kırovets» traktorlary óndirisin damytý perspektıvalary talqylandy.
Zaýyttyń bas dırektory Sergeı Serebrıakov traktorlardy qurastyrýdy uıymdastyrý, quramdas bólikteri: aıqartopsaly bilik, dóńgelek dıskileri jáne «AgromashHoldıng KZ» qýattylyǵynda basqa da jıyntyq bólikteri óndirisin qurý boıynsha yntymaqtastyqqa qyzyǵýshylyq tanytty.
Óndiristi jergiliktendirýdi úsh kezeńde - 2019, 2021, 2023 jyldary iske asyrý josparlanǵan.
Kezdesý qorytyndysy boıynsha QR Premer-Mınıstri Asqar Mamın QR Indýstrııa jáne ınfraqurylymdyq damý mınıstrligine «Peterbýrg traktor zaýyty» AQ-men birlesip, birlesken yntymaqtastyqty iske asyrý boıynsha Jol kartasyn ázirleýdi tapsyrdy.
Qazaqstanda «Peterbýrg traktor zaýyty» AQ ónimi suranysqa ıe. QR Aýyl sharýashylyǵy mınıstrliginiń málimetinshe, jyl saıynǵy suranys shamamen 400 traktordy quraıdy.
