Asqar Mamın Peterbýrg halyqaralyq ekonomıkalyq forýmyna qatysty
«Tsıfrlyq kúntártip - EAEO-nyń básekege qabilettiligin arttyratyn faktor» sessııasyna qatysý barysynda QR Birinshi vıtse-premeri tsıfrlandyrý EAEO elderindegi eńbek jáne kapıtal resýrstarynyń kólemin ulǵaıtý jáne salaaralyq baılanys pen ónimdilikti arttyrýdyń mańyzdylyǵyn atap ótti. Sonymen qatar, A.Mamın bıylǵy jyldyń 17-19 mamyr aralyǵynda ótken Astana ekonomıkalyq forýmynyń aıasynda Elbasy Nursultan Nazarbaevtyń barlyq saladaǵy tsıfrlandyrý álemniń jahandyq bes megatrendiniń qataryna jatqyzylǵanyn atap ótti.
«Tsıfrlyq Qazaqstan» memlekettik baǵdarlamasy aıasynda elektrondy memlekettik jáne áleýmettik qyzmetterdi jappaı engizý bastalyp ketti.
«Boljam boıynsha, 2022 jylǵa qaraı memlekettik baǵdarlamany júzege asyrý nátıjesinde JІÓ qosymsha 30% ósedi; ekonomıkany keńeıtý jáne jańa salalardy qurý arqyly jańadan 300 jumys orny ashylady» , - dedi A.Mamın.
EAEO-ǵa múshe-memleketterdiń jáne tsıfrlyq tehnologııa salasyndaǵy halyqaralyq sarapshylardyń qatysýymen Almatyda bıylǵy jyldyń basynda «Jahandaný dáýirindegi tsıfrlyq kún tártibi» forýmy ótti.
Qazirgi ýaqytta EAEO múshelerimen biryńǵaı kiriktirilgen Eýrazııalyq ekonomıkalyq eńbek bırjasyn qurý týraly kelissózder júrgizilip jatyr.
«Halyqaralyq salaaralyq teńdik jáne kólik dálizderi» sessııasynda baıandama jasaý barysynda Birinshi vıtse-premer álemdik saýda kóleminiń ósýinde kólik jelisiniń mańyzdylyǵy artqanyn atap ótti.
2017 jylǵy Qazaqstan ekonomıkasynyń jyldam ósimine saýda men oǵan qatysty salalar kóleminiń ulǵaıǵany yqpal etken. QR eksport kóleminiń artýy 2017 jyly 31,6% qurady. Tranzıttik konteınerlik tasymal kóleminiń artýy 42% jetken.
«Qazaqstan Ortalyq Azııada áleýetti ekonomıkaǵa ıe. Sońǵy 12 jylda aımaqqa salynǵan ınvestıtsııalardyń 80% bizdiń memleketke tıesili» - dedi A.Mamın.
