Asqar Mamın: Pandemııa bárimiz úshin úlken synaq boldy
NUR-SULTAN. QazAqparat – Premer-mınıstr Asqar Mamın bıyl qoıan-qoltyq jumys istegen Úkimet múshelerine alǵys aıtty, dep habarlaıdy QazAqparat tilshisi.
«Áriptester! Bul – Úkimettiń bıylǵy qorytyndy otyrysy. Ózderińizge belgili, 2020 jyl – barlyq memleketter úshin kúrdeli boldy. Pandemııa bárimiz úshin úlken synaq boldy. Osy qaýipti vırýs halyqtyń tynys-tirshiliginiń barlyq salalaryna túbegeıli ózgerister ákeldi. Ásirese, halyqtyń densaýlyǵyna áser etti jáne ekonomıkaǵa eleýli nuqsan keltirdi», - dedi Asqar Mamın búgingi Úkimet otyrysynda.
Premer-mınıstrdiń degenmen, qabyldanǵan sharalar jańa syn-qaterlerdi eńserýge múmkindik berip, elimizdegi epıdemıologııalyq jaǵdaıdy turaqtandyrýǵa jáne ekonomıkanyń negizgi salalarynyń ornyqty ósimi qamtamasyz etilgenin jetkizdi.
«Barlyǵyńyzǵa belsendi jumystaryńyz jáne qosqan úlesterińiz úshin alǵysymdy bildiremin. Kele jatqan Jańa jyl qutty bolsyn!» - dep túıdi sózin Úkimet basshysy.
