Asqar Mamın: Otandy qorǵaý - abyroıly mindet
«Otandy qorǵaý - bizdiń halqymyz úshin qashan da qasıetti paryz, abyroıly mindet. Bizdiń baǵzydan jetken san ǵasyrlyq tarıhymyzda kózsiz erlik pen qaharmandyqtyń, eli men jerin súıýdiń, shynaıy patrıotızmniń jarqyn úlgisi az emes. Týǵan ólkeniń tynyshtyǵyn qorǵap ótken batyr babalarymyzdyń jaýyngerlik dástúrin búginde Táýelsiz Qazaqstannyń Qarýly kúshteri laıyqty jalǵastyryp keledi. Bizdiń áskerimiz tótenshe jaǵdaı kezinde blokposttardyń jumysyn qamtamasyz etý, shet memleketterdegi otandastarymyzdy elge jetkizý, áskerı dala gospıtaldaryn shuǵyl ornalastyrý jáne t.b. mindetterdi tıimdi sheshe otyryp, áskerı daıyndyq deńgeıiniń joǵary ekenin kórsetti. Sonymen qatar qazirgideı kúrdeli kezeńde Ulttyq gvardııanyń áskerı qyzmetshileri, quqyq qorǵaý jáne arnaıy memlekettik organdardyń qyzmetkerleri, áskerı jıyndarǵa shaqyrylǵan áskerı mindetti azamattar jáne óziniń qyzmettik boryshyn ótep júrgen barlyq qazaqstandyqtar aýqymdy da mańyzdy jumys atqarýda», - delingen quttyqtaýda.
