Asqar Mamın Nur-Sultan qalasynda karantın rejımin qamtamasyz etý jumystaryn tekserdi
NUR-SULTAN. QazAqparat - 2020 jylǵy 19 naýryzda QR Prezıdenti janyndaǵy Tótenshe jaǵdaıdy qamtamasyz etý jónindegi memlekettik komıssııa tóraǵasy – QR Premer-Mınıstri Asqar Mamın Nur-Sultan qalasynda karantın rejimin qamtamasyz etý jumystaryn tekserdi, dep habarlaıdy QazAqparat primeminister.kz-ke silteme jasap.
Nur-Sultan qalasynan shyǵa beristegi «Nur-Sultan – Petropavl» avtojoly boıyndaǵy №2 baqylaý-ótkizý beketin aralaý kezinde Úkimet basshysyna elordanyń karantınge jabylýy kezindegi ishki ister qyzmetkerleriniń, sanıtarııalyq-epıdemıologııalyq baqylaý jáne Qarýly kúshterdiń áskerı qyzmetkerleriniń bekettegi qyzmeti týraly baıandaldy.
A. Mamın qajet bolǵan jaǵdaıda statsıonarlyq karantındi qamtamasyz etý úshin qalalyq ınfraqurylym nysandaryn qaıta jaraqtaý boıynsha atqarylyp jatqan jumystar barysymen tanysty.
Úkimet basshysy elorda ákimdiginiń, polıtsııa jáne densaýlyq saqtaý qyzmetkerleri men Qarýly kúshterdiń áskerı qyzmetkerleriniń karantın rejimi jaǵdaıynda úılesimdi jumysyn qamtamasyz etýdi tapsyrdy.
Tekserý saparyna Nur-Sultan qalasynyń ákimi A. Kólginov, densaýlyq saqtaý mınıstri E. Birtanov, ishki ister mınıstri E. Turǵymbaev jáne qorǵanys mınıstri N. Ermekbaev qatysty.
