Asqar Mamın Nıderlandyǵa resmı saparmen barady
NUR-SULTAN. QazAqparat - 30 qazanda Qazaqstannyń Premer-mınıstri Asqar Mamın Nıderlandy Koroldigine resmı saparmen barady, dep habarlaıdy QazAqparat tilshisi.
«Bul - Qazaqstan Úkimeti basshysynyń eki jaqty qarym-qatynastar tarıhynda Nıderlandyǵa alǵashqy sapary bolady», - deıdi QR SІM resmı ókili Aıbek Smadııarov QR Syrtqy ister mınıstrliginde ótken baspasóz otyrysynda.
Asqar Mamın sapar barysynda Nıderlandy Premer-mınıstri Mark Rıýttenmen kezdesedi.
«Kelissózder barysynda taraptar eki jaqty ınvestıtsııalyq jáne saýda-ekonomıkalyq yntymaqtastyqtyń keleshegin talqylaıdy dep kútilýde», - deıdi ol.
Sondaı-aq, QR Premer-mınıstri Asqar Mamın Qazaqstan-Golland bıznes-forýmyna qatysady, birqatar kompanııalarmen kelissózder júrgizip, ınnovatsııalyq nysandardy aralaıdy.
