Asqar Mamın naryq qajettigine saı ІT-mamandardy daıyndaýdy tapsyrdy

NUR-SULTAN. QazAqparat – Premer-Mınıstr Asqar Mamın jaýapty mınıstrlikterge naryqtyń qajettigine baılanysty ІT-mamandardy daıyndaýdy tapsyrdy, dep habarlaıdy QazAqparat tilshisi.

«Joǵary tehnologııaly sheshimderdiń damýymen elektrondy salada – densaýlyq saqtaý, bilim berý, elektrony úkimet qyzmetteri salasynda, 4.0 ındýstrııada jáne jasandy ıntellektte tsıfrlyq quzyretterdi damytý ózekti bola tústi. Tsıfrlyq damý, ınnovatsııalar jáne aeroǵarysh ónerkásibi mınıstrligi Bilim jáne ǵylym mınıstrligimen, «Atameken» palatasymen birlesip, naryqtyń áleýetti qajettigine baılanysty ІT-mamandardy daıyndaý máselelerin pysyqtasyn», - dedi Asqar Mamın Úkimet otyrysynda.

Eske sala ketsek Úkimet basshysy búgingi otyrysta jyl sońyna deıin aýyl halqynyń 99%-na keń jolaqty ınternet qoljetimdi bolatynyn málim etken edi.