Asqar Mamın metaldyń baǵasyna yqpal etetin negizgi faktorlardy atady
ASTANA. QazAqparat - Elordadaǵy Táýelsizdik saraıynda ótip jatqan VIII Halyqaralyq taý-ken metallýrgııa kongresi barysynda QR Premer-Mınıstriniń birinshi orynbasary Asqar Mamın metaldyń aldaǵy ýaqyttaǵy baǵasyna yqpal etetin negizgi faktorlardy atady, dep habarlaıdy QazAqparat.
«Birinshisi, bul damýshy elder tarapynan týyndaıtyn suranys. Mıneraldy resýrstarǵa suranys boljamynyń barynsha mańyzdy bóligi Úndistan men Qytaı tarapynan aldaǵy ýaqytta suranystyń arta túsýi bolmaq. Metalǵa degen suranystyń 50 paıyzdan astamy 2030 jylǵa qaraı osy eki elge tıesili bolmaq», - dedi ol.
Mamınniń aıtýynsha, ekinshi faktor bul resrýstar kenin alýdaǵy problemalar. ıAǵnı ken oryndarynyń basym bóligi ınfraqurylymy óte nashar damyǵan elderden tabylýda. Máselen, jańadan barlanǵan mys ken oryndarynyń 50 protsentke jýyǵy álemdegi eń turaqsyz óńirlerde ornalasqan.
«Úshinshisi- ekologııalyq faktorlardyń yqpaly. Sý tapshy óńirlerdegi mıneraldy shıkizatty óndirýge baǵyttalǵan keıbir operatsııalardyń quny sý men kómirtektiń qostotyǵyn kádege jaratý shyǵyndaryn esepke alǵanda 16 protsentke qymbattaýy múmkin», - dep atap ótti Úkimet basshynyń birinshi orynbasary.
Asqar Mamın tórtinshi faktor retinde tehnologııalyq protsessterdi atady. Onyń paıymynsha, basty tehnologııalyq trend «Indýstrııa 4.0» elementin paıdalaný arzan tehnologııalyq sheshimderdiń kómegimen óndiris qunyn tómendetýge septigin tıgizedi.
«Biz 4.0 tehnologııasyn qoldaný arqyly ózindik qundy eki esege deıin tómendetýge bolatyn mysaldardy bilemiz. Osyǵan baılanysty ónimniń básekege qabilettiligi kúrt artyp, ónim shyǵarý kólemi eselene túsedi», - dedi ol.
Sonymen qatar Premer-Mınıstrdiń birinshi orynbasary Qazaqstan álemde temir keni qory boıynsha - 7, al bolat óndirisiniń kólemi boıynsha 33-orynda ekendigin atap ótti.
«Ónerkásiptik óndiristiń jalpy qurylymyndaǵy taý-ken metallýrgııasynyń úlesi 18 paıyzdan asyp jyǵylady. Osy jyldyń 4 aıynyń qorytyndysynda Qazaqstan ekonomıkasynyń ósimi 3,7 paıyzdy qurady», - dedi Asqar Mamın.
