Asqar Mamın memlekettik jáne partııa marapattaryn tabystady

NUR-SULTAN. QazAqparat - Táýelsizdik kúnine oraı QR Premer-Mınıstri Asqar Mamın mınıstrlikter men vedomstvolardyń qyzmetkerlerine Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen berilgen memlekettik nagradalardy tabystady, dep habarlaıdy QazAqparat primeminister.kz-ke silteme jasap.

«Qazaqstannyń Tuńǵysh Prezıdenti – Elbasy Nursultan Nazarbaev jáne Memleket basshysy Qasym-Jomart Toqaev bizdiń aldymyzǵa ekonomıkanyń turaqty ósimi men azamattardyń ál-aýqatyn arttyrý mindetin qoıdy. Óńirlerdi damytýǵa zor kóńil bólinýde. Bıyl aýqymdy jumystar júrgizildi – 11 aıdyń qorytyndysy boıynsha el ekonomıkasynyń ósimi 4,4%-ǵa jetti», — dep A. Mamın jınalǵandardyń barlyǵyn alda kele jatqan Táýelsizdik kúnimen quttyqtady.

Elimizdiń áleýmettik-ekonomıkalyq damýyna qosqan úlesi úshin «Qurmet» ordenimen densaýlyq saqtaý vıtse-mınıstri L. Aqtaeva, aýyl sharýashylyǵy vıtse-mınıstri R. Qurmanov, qarjy vıtse-mınıstri T. Saveleva, Ulttyq ekonomıka mınıstrligi Komıtetiniń tóraǵasy N. Aıdapkelov, Qarjy mınıstrligi Komıtetiniń tóraǵasy M. Sultanǵazıev, Aýyl sharýashylyǵy mınıstrligi Komıteti tóraǵasynyń orynbasary A. Mars, Premer-Mınıstr Keńsesi basshysynyń orynbasary A. Jákenov, Premer-Mınıstr Keńsesiniń Bólim meńgerýshisi E. Omarov marapattaldy.

QR Prezıdentiniń tósbelgisimen alǵys ındýstrııa jáne ınfraqurylymdyq damý birinshi vıtse-mınıstri Q. Óskenbaevqa, Densaýlyq saqtaý mınıstrligi Komıtetiniń tóraǵasynyń orynbasary – QR Bas memlekettik sanıtarlyq dárigeri J. Bekshınge, Aqparat jáne qoǵamdyq damý mınıstrligi Komıtetiniń tóraǵasy L. Súıindikke tabystaldy.

«Shapaǵat» medalimen «Múgedekterge arnalǵan ońaltý ortalyǵy» KMM dırektory M. Ábdikárimov jáne «Green TAl»áleýmettik sheberhanasynyń negizin salýshy E. Askerov marapattaldy.

«Eren eńbegi úshin» medalimen qarjy vıtse-mınıstri R. Eńsebaev, Ulttyq ekonomıka mınıstrligi Komıtetiniń tóraǵasy A. Darbaev, Indýstrııa jáne ınfraqurylymdyq damý mınıstrliginiń Komıteti tóraǵasynyń orynbasary A. Ydyrysov, Ekologııa, geologııa jáne tabıǵı resýrstar mınıstrligi Komıtetiniń tóraǵasynyń orynbasary T. Sátıev jáne Premer-Mınıstr Keńsesiniń birqatar qyzmetkerleri marapattaldy.

«Nur Otan» partııasynyń marapaty — «Belsendi qyzmeti úshin» tósbelgisi Premer-Mınıstrdiń Birinshi orynbasary – Qarjy mınıstri Á. Smaıylovqa, Indýstrııa jáne ınfraqurylymdyq damý mınıstri B. Atamqulovqa, Saýda jáne ıntegratsııa mınıstri B. Sultanovqa, Premer-Mınıstr Keńsesiniń basshysy Ǵ. Qoıshybaevqa jáne Premer-Mınıstrdiń keńesshisi Ǵ. Ábdirahymovqa tabystaldy.

Premer-Mınıstr Keńsesiniń birqatar qyzmetkerleri memlekettik organdardaǵy úlgili qyzmeti úshin «Eren eńbegi úshin» medalimen, «Úzdik memlekettik qyzmetshi» tósbelgisimen, «Qazaqstan Respýblıkasynyń qurmet gramotasymen» jáne «Premer-Mınıstrdiń alǵysymen» marapattaldy.