Asqar Mamın Qyrǵyzstannyń syrtqy ister mınıstri Rýslan Qazaqbaevty qabyldady

NUR-SULTAN. QazAqparat - QR Premer-Mınıstri Asqar Mamın Qyrǵyz Respýblıkasynyń syrtqy ister mınıstri Rýslan Qazaqbaevty qabyldady, dep habarlaıdy QazAqparat primeminister.kz-ke silteme jasap.

Úkimet basshysy 2020-2022 jyldarǵa arnalǵan Qazaqstan men Qyrǵyzstan arasyndaǵy yntymaqtastyqtyń keshendi baǵdarlamasynyń tarmaqtaryn qosa alǵanda, elder arasynda buǵan deıin qol jetkizilgen ýaǵdalastyqtardy iske asyrýdyń mańyzdylyǵyn atap ótti.

Taraptar eki eldiń saýda-ekonomıkalyq, ınvestıtsııalyq, tranzıt-kólik, logıstıka, sý-energetıka salalaryndaǵy yntymaqtastyǵynyń jaı-kúıi men perspektıvalaryn, sondaı-aq pandemııanyń teris saldaryn azaıtýdaǵy ózara is-qımylyn talqylady.

Kezdesýge QR syrtqy ister mınıstri M. Tileýberdi qatysty.

Eske sala ketsek, Qazaqstannyń Syrtqy ister mınıstri Muhtar Tileýberdi Nur-Sultan qalasyna jumys saparymen kelgen Qyrǵyz Respýblıkasynyń Syrtqy ister mınıstri Rýslan Qazaqbaevpen kelissóz ótkizdi.