Asqar Mamın: Qurylys salasynda 630 myńnan astam adam jumys isteıdi
NUR-SULTAN. QazAqparat – QR Premer-Mınıstri Asqar Mamın qurylys salasynyń qyzmetkerlerin quttyqtady, dep habarlaıdy QazAqparat primeminister.kz silteme jasap
«Qazaqstandyqtardy sapaly jáne qoljetimdi baspanamen qamtamasyz etý, ınjenerlik, óndiristik jáne kólik ınfraqurylymyn salý jónindegi memlekettik mindetterdiń sátti sheshimi qurylysshylardyń biliktiligi men sheberligine baılanysty. QR Tuńǵysh Prezıdenti – Elbasy N. Á. Nazarbaevtyń tapsyrmasymen «Nurly jol» jáne «Nurly jer» memlekettik baǵdarlamalary tabysty júzege asyrylýda, olar halyqtyń turmys sapasyn arttyrý, qoljetimdi baspana alý jáne jańa ónimdi jumys oryndaryn qurý múmkindigin qamtamasyz etedi.
Prezıdent Q. K. Toqaev mańyzdy kórsetkishterge qol jetkizgen qurylys salasyn odan ári damytýdy maqsat etip qoıdy — bıyl qurylys salasynyń ósý qarqyny 11% quraıdy»,- delingen Úkimet basshysynyń quttyqtaýynda.
Búgingi tańda Qazaqstannyń qurylys salasynda 630 myńnan astam adam jumys isteıdi.
«Qurylys salasyn odan ári jańǵyrtý, turǵyn úı qurylysynyń kólemin ulǵaıtý jáne elimizdiń barlyq óńirlerinde ınfraqurylymdyq jobalardy iske asyrý boıynsha jańa aýqymdy mindetterdi sheshe alatyndaryńyzǵa senimdimin.Qurylys salasynyń barlyq jumysshylary men ardagerlerine myqty densaýlyq, ál-aýqat jáne jańa kásibı jetistikter tileımin!»,- dedi A. Mamın.
